ۋنيۆەرسيادا-2017: قازاقستان قورجىنىنا 35-جۇلدە ءتۇستى

استانا. قازاقپارات - بۇگىن الماتىدا ءوتىپ جاتقان 28-قىسقى ۋنيۆەرسيادا ويىندارىندا قازاقستان قورجىنىنا 35-جۇلدە ءتۇستى، دەپ حابارلايدى قازاقپارات ءتىلشىسى.

بۇل جۇلدەنىڭ يەگەرى شاڭعىشى - سەرگەي مالىشيەۆ. ول 30 شاقىرىمعا ماسس-ستارت باسەكەسىندە سىنعا ءتۇسىپ قولا جۇلدەنى جەڭىپ الدى.

بۇل جارىستا التىن مەدال رەسەيلىك دميتري روستوۆتسيەۆكە بۇيىرسا، كۇمىستى ونىڭ وتانداسى ۆالەري گانتار قانجىعاسىنا بايلادى. سونىمەن قاتار، تاعى ءبىر وتانداسىمىز ۆيتالي پۋحكالو كوشباسشىدان 21,1 سەكۋند قالىپ، ءتورتىنشى بولىپ كەلدى.

قازىر قۇراما قورجىنىندا 11 التىن، 7 كۇمىس جانە 17 قولا جۇلدە بار. ايتا كەتەيىك، مالىشيەۆتىڭ بۇل ەكىنشى جۇلدەسى. بۇعان دەيىن ول 7,5 شاقىرىمدا كوماندالىق جارىستا كۇمىس جۇلدە جەڭىپ العان بولاتىن.

اۆتور: كۇنسۇلتان وتارباي