سوتتىڭ شەشىمىمەن «استانا ەكسپو-2017» ەكس- باسشىسى تالعات ەرمەگيايەۆ 2 ايعا ءۇيقاماققا وتىرعىزىلدى
«ق ر ق ك 4- ءبولىمى، 176-بابىنىڭ «ب» تارماعى بويىنشا - «سەنىپ تاپسىرىلعان بوتەننىڭ مۇلكىن اسا ءىرى كولەمدە يەلەنۋ نەمەسە تالان- تاراجعا سالۋعا» كۇدىكتى تالعات ەرمەگيايەۆكە قاتىستى «ءۇيقاماق» تۇرىندە بۇلتارتپاۋ شاراسىن قولدانۋ سانكسيالانسىن»، - دەلىنگەن سوت شەشىمىندە. بۇل تۋرالى ينتەرنەت- رەسۋرستار (قازتاگ، Тengrinews.kz) حابارلايدى.
ەسكە سالا كەتەيىك، بۇدان بۇرىن «استانا ەكسپو-2017» قۇرىلىس دەپارتامەنتىنىڭ بۇرىنعى ديرەكتورى قاجىمۇرات ۇسەنوۆ ۇستالىپ، ءۇيقاماققا وتىرعىزىلعان بولاتىن.
11 - ماۋسىمدا مەملەكەت باسشىسى نۇرسۇلتان نازاربايەۆتىڭ وكىمىمەن تالعات امانگەلدى ۇلى ەرمەگيايەۆ «استانا ەكسپو-2017» ۇلتتىق كومپانياسى» اكسيونەرلىك قوعامىنىڭ باسقارما ءتوراعاسى قىزمەتىنەن بوساتىلدى.
