ەلباسى 2017 -جىلى قازاقستاندا زەينەتاقىنى 20 پايىزعا ءوسىرۋدى تاپسىردى
استانا. قازاقپارات - 2017 -جىلى قازاقستاندا زەينەتاقى كولەمى 20 پايىزعا وسەدى. بۇگىن ەلوردادا قازاقستان تاۋەلسىزدىگىنىڭ 25 جىلدىق مەرەيتويىنا ارنالعان سالتاناتتى جيىندا ەلباسى نۇرسۇلتان نازاربايەۆ وسىلاي ءمالىم ەتتى، دەپ حابارلايدى قازاقپارات.
«تاۋەلسىزدىكتىڭ 25 جىلدىق مەرەيتويى قۇرمەتىنە مەن ۇكىمەتكە الداعى جىلى زەينەتاقى مولشەرىن 2016 -جىلعى دەڭگەيدەن 20 پايىزعا ءوسىرۋدى تاپسىرامىن»، - دەدى ق ر پرەزيدەنتى. وسى ورايدا ەلباسى بۇل ءوسىم 2 ميلليون 200 مىڭ قازاقستاندىقتى قامتيتىنىن اتاپ ءوتتى.
ايتا كەتەيىك، مەرەيتويلىق سالتاناتتى جيىن تاۋەلسىزدىك سارايىندا ءوتىپ جاتىر. بۇل شاراعا مەملەكەتىمىزدىڭ دامۋىنا، تاۋەلسىزدىگىمىزدىڭ نىعايۋىنا زور ۇلەس قوسقان ەلەۋلى ازاماتتار ەلىمىزدىڭ تۇكپىر- تۇكپىرىنەن كەلىپ وتىر.
اۆتور: رۋسلان عابباسوۆ
