قازاقستاندا 2017 -جىلدىڭ 1 - قاڭتارىنان دومينانتتار ءتىزىلىمى جويىلادى - ە. دوسايەۆ
«مونوپولياعا قارسى رەتتەۋ سالاسىن رەفورمالاۋ اياسىندا 2016 -جىلعى 1 - قاڭتاردان باستاپ دومينانتتار ءتىزىلىمى - 914 نارىق سۋبەكتىسىنەن 254 سۋبەكتىگە دەيىن قىسقاردى. 2017 -جىلعى 1 - قاڭتاردان باستاپ بۇل ءتىزىلىم جويىلاتىن بولادى» ، - دەدى ە. دوسايەۆ.
ونىڭ اتاپ وتۋىنشە، مەملەكەت قاتىساتىن (%50 استام) زاڭدى تۇلعالاردىڭ (ا ق، ج ش س) قىزمەتى تۇرلەرىنىڭ تىزبەسىن قابىلداۋ جولىمەن كاسىپكەرلىك قىزمەتكە مەملەكەتتىڭ قاتىسۋى 47 پايىزعا قىسقاردى.
«رەفورمانىڭ ەكىنشى كەزەڭىن ىسكە اسىرۋ ءۇشىن 2016 -جىلعى 22 - اقپاندا قازاقستان رەسپۋبليكاسىنىڭ ۇكىمەتىنە «باسەكەلەستىك ماسەلەلەرى بويىنشا قازاقستان رەسپۋبليكاسىنىڭ كەيبىر زاڭنامالىق اكتىلەرىنە وزگەرتۋلەر مەن تولىقتىرۋلار ەنگىزۋ تۋرالى» قازاقستان رەسپۋبليكاسىنىڭ زاڭ جوباسى ازىرلەنىپ ەنگىزىلدى» ، - دەدى مينيستر.
اۆتور: مارلان جيەمباي
