22:15, 12 - قىركۇيەك 2017 | GMT +6
ەكسپو-2017 پاۆيلوندارىن دەمونتاجداۋ 15- جەلتوقسانعا دەيىن اياقتالادى
استانا. قازاقپارات - 11 - قىركۇيەك پەن 15- جەلتوقسان ارالىعىندا ەكسپو-2017 كورمەسى اۋماعىنداعى حالىقارالىق پاۆيلونداردىڭ دەمونتاجى جۇرگىزىلەدى، دەپ حابارلايدى قازاقپارات.
«قاتىسۋشى مەملەكەتتەر كورمە ۇيىمداستىرۋشىلارىنا پاۆيلونداردى باستاپقى تۇردە تاپسىرۋ ماقساتىندا ەكسپوناتتاردى شىعارىپ، ىشكى قۇرىلىس قۇرىلىمدار دەمونتاجىن، سونداي- اق تازالاۋ مەن جوندەۋ جۇمىستارىن جۇرگىزۋى قاجەت. اتالعان پروتسەسس 15 - جەلتوقسانعا دەيىن اياقتالۋى ءتيىس. ساۋلەت دەپارتامەنتى مەن حالىقارالىق قاتىسۋشىلارمەن جۇمىس اتقارۋ دەپارتامەنتى دەمونتاج پروتسەسسىنە باقىلاۋ جۇرگىزەدى»، - دەلىنگەن ۇيىمداستىرۋشىلار تاراتقان حابارلامادا.
كورمەنىڭ باستى نىسانى «نۇر الەم» سفەراسى بولاشاق مۇراجايى رەتىندە قىزمەتىن جالعاستىرادى. ايتا كەتەرلىگى، «استانا «ەكسپو-2017» حالىقارالىق مامانداندىرىلعان كورمەسىنە 115 مەملەكەت پەن 22 حالىقارالىق ۇيىم قاتىستى.
