ەكسپو-2017 كورمەسىنە 147 ميلليون ەۋرو دەمەۋشىلىك قارجى تارتىلۋدا
بۇل تۋرالى بۇگىن «استانا ەكسپو 2017» ۇ ك» ا ق- نىڭ قوعامدىق كەڭەسىنىڭ ەكىنشى وتىرىسىندا كومپانيانىڭ باسقارما ءتوراعاسى احمەتجان ەسىموۆ ءمالىم ەتتى.
«ءبىزدى كورمەنىڭ الەۋەتتى سەرىكتەستەرىنىڭ بەلسەندىگى قۋانتىپ وتىر. نەگىزگى باعدارلامالىق قۇجاتقا سايكەس، ياعني تىركەۋ قۇجاتتاماسىندا 147 ميلليون ەۋرو دەمەۋشىلىك قارجىنى تارتۋ جوسپارلانۋدا. بۇگىندە 100 ميلليون ەۋرو سوماسىندا قازاقستاندىق جانە شەتەل كومپانيالارىنان قارجى تارتىلدى. وسى رەتتە دەمەۋشىلىك قارجىنى 147 ميلليون ەۋروعا جەتكىزەتىنىمىزگە ەش كۇمان جوق»، - دەپ توقتالدى باسقارما ءتوراعاسى.
ونىڭ سوزىنە قاراعاندا، 244 ميلليارد تەڭگە كولەمىندە ينۆەستيتسيا تارتىلدى. بۇل قارجى ەكسپو نىساندارىنىڭ قۇرىلىسىنا، ياعني ەڭ الدىمەن كورمە اۋماعىنداعى تۇرعىن ۇيلەردى سالۋعا باعىتتالدى. بۇل پاتەرلەردى كورمە وتكەننەن كەيىن ەلوردا تۇرعىندارى يەمدەنەتىن بولادى. ينۆەستيتسيالىق جوبالاردىڭ ەسەبىنەن قۇرىلىس الاڭدارىندا 5 مىڭ جۇمىس ورنى قۇرىلدى.
اۆتور: رۋسلان عابباسوۆ
