ازيادا-2017: قازاقستاننىڭ جالپى مەدالدار سانى 12 گە جەتتى

ساپپورو. قازاقپارات - بۇگىن جاپونيانىڭ ساپپورو قالاسىندا ءوتىپ جاتقان Ⅷ قىسقى ازيا ويىندارىندا قازاقستاندىق سپورتشىلار مەدالدار سانىن 12 گە جەتكىزدى، دەپ حابارلايدى ساپپوروداعى قازاقپارات ءتىلشىسى.

بۇگىن ەڭ ءبىرىنشى شاڭعىدان 5 شاقىرىمدىق كلاسسيكالىق جارىستا ەلەنا كولومينا قازاقستان قورجىنىنا ءۇشىنشى كۇمىس مەدالدى سىيلاسا، ىزىنشە بياتلوننان ەرلەر اراسىنداعى 10 شاقىرىمدىق سپرينگتىك جارىستان وتانداسىمىز 1 التىن، 1 كۇمىس جەڭىپ الدى. بۇل باسەكەدە التىن مەدالدى يان ساۆيتسكي قورجىنىمىزعا سالسا، كۇمىستى تاعى ءبىر جەرلەسىمىز ۆاسيلي پودكورىتوۆ ەنشىلەدى.

ال بۇلاردان كەيىن كوپ ۋاقىت كۇتتىرمەي جارىس الاڭىنا شىققان ارۋلارىمىز - گالينا ۆيشنيەۆسكايا مەن الينا رايكوۆا 7,5 شاقىرىم قاشىقتىقتا سپرينتەرلىك جارىستان التىن 1 التىن 1 قولا مەدالدى قورجىنىمىزعا سالدى. وسىلايشا بۇگىن جەرلەستەرىمىز جالپى مەدالدار سانىن 12 گە جەتكىزدى. بۇگىن سپورتشىلارىمىز سپورتتىڭ 5 تۇرىنەن، اتاپ ايتقاندا، بياتلون، تاۋ شاڭعىسى، شاڭعى جارىستارى، كونكيمەن جۇگىرۋ جانە شايبالى حوككەيدەن سىنعا ءتۇسىپ جاتىر.

اۆتور: كۇنسۇلتان وتارباي