ۇلتتىق قور قاراجاتى 2017 - جىلى 115 ميلليارد 600 ميلليون دوللارعا دەيىن ۇلعايادى - ە. دوسايەۆ
«ۇلتتىق قوردى باسقارۋ كەڭەسىنىڭ قوردىڭ كەپىلدەندىرىلگەن ترانسفەرتىن ون بەس پايىزعا ۇلعايتۋ تۋرالى قابىلدانعان شەشىمىنە سايكەس، ونىڭ مولشەرى 2015-2017 - جىلدار ارالىعىندا جىل سايىن 1 ترليون 702 ميلليارد تەڭگە سوماسىندا ايقىندالدى. وسى كەزەڭ ىشىندە جىل سايىن بولىنەتىن كەپىلدەندىرىلگەن ترانسفەرت كەزىندە ۇلتتىق قورداعى تومەندەمەيتىن قالدىق ىشكى جالپى ونىمگە وتىز پايىزدان تومەن بولمايتىن شەكتەۋ سول قالپىنشا قالادى»، - دەدى ۇلتتىق ەكونوميكا ءمينيسترى ەربولات دوسايەۆ.
ونىڭ ايتۋىنشا، بولجامعا سايكەس، ۇلتتىق قور قاراجاتىنىڭ جالپى كولەمى 2015 - جىلى 97 ميلليارد دوللاردان 2017 - جىلى 115 ميلليارد 600 ميلليون دوللارعا دەيىن ۇلعايادى.
«زاڭ جوباسىن قابىلداۋ الەۋمەتتىك سالاداعى جاڭا باستامالاردى قوسا العاندا رەسپۋبليكالىق بيۋدجەت شىعىستارىن تولىق كولەمدە قارجىلاندىرۋعا مۇمكىندىك بەرەدى»، - دەدى ە. دوسايەۆ.
اۆتور: قانات مامەتقازى ۇلى
