09:27, 13 - ناۋرىز 2017 | GMT +5
امەريكالىقتار 2016 -جىلعى ساياسي تارتىس تۋرالى سەريال تۇسىرمەك
استانا. قازاقپارات - بىلتىرعى جىلدىڭ قاراشاسىندا ا ق ش- تا وتكەن پرەزيدەنت سايلاۋىندا اق ءۇيدىڭ تاعىنا دونالد ترامپ پەن حيللاري كلينتون تالاسقان بولاتىن.
ەندى امەريكالىقتار وسى وقيعاعا ارناپ شاعىن سەريال تۇسىرۋگە بەل بۋىپ وتىر.
سەريال سيۋجەتى «يگرا يزمەنيلاس» («ويىن وزگەردى») دەپ اتالاتىن كىتاپتان الىنعان. كىتاپ اۆتورلارى مارك حەلپەرين مەن دجون حايلەمانن.
شاعىن سەريالدىڭ پروديۋسەرى رەتىندە بەلگىلى اكتەرلەر توم حەنكس پەن گەري گوتسمان بەكىتىلگەن. رەجيسسەرى دجەي روۋچ. سەريالدىڭ كورەرمەنگە قاشان جول تارتاتىنى بەلگىسىز. ازىرگە سەريالدا باستى رولدەردى سومدايتىن اكتەرلەر دە بەكىتىلگەن جوق.
«يگرا يزمەنيلاس» كىتابىنىڭ جەلىسى بويىنشا العاشقى تۋىندى 2012 -جىلى تۇسىرىلگەن. بەس مارتە «ەممي» سىيلىعىن يەلەنگەن بۇل كينولەنتا 2008 -جىلعى سىيلاۋعا نەگىزدەلگەن ەدى. يدەيا اۆتورلارى بيىلعى تۋىندىنىڭ اتالعان كينولەنتادان اسىپ تۇسپەسە، كەم تۇسپەيتىنىن ايتىپ وتىر.
