08:26, 10 - قاڭتار 2017 | GMT +5
رونالدۋ ف ي ف ا نۇسقاسى بويىنشا 2016-جىلدىڭ ۇزدىك ويىنشىسى اتاندى
استانا. قازاقپارات - «رەال» فۋتبول كلۋبىنىڭ جانە پورتۋگاليانىڭ شابۋىلشىسى كريشتيانۋ رونالدۋ ف ي ف ا نۇسقاسى بويىنشا 2016-جىلدىڭ ۇزدىك ويىنشىسى اتاندى، دەپ حابارلايدى قازاقپارات Vesti.kz-قا سىلتەمە جاساپ.

The Best سىيلىعىن رونالدۋ شۆەيتساريانىڭ تسيۋريح قالاسىندا وتكەن ماراپاتتاۋ سالتاناتىندا الدى. بۇل ماراپاتقا لايىقتىلار رەتىندە سونداي-اق، «بارسەلونانىڭ» شابۋىلشىسى ليونەل مەسسي جانە «اتلەتيكونىڭ» فرانسۋزدىق شابۋىلشىسى انتۋان گريزمان قاراستىرىلعان بولاتىن.
ف ي ف ا جەڭىمپازى قۇراما كوماندالاردىڭ باپكەرلەرى مەن كاپيتاندارىنىڭ، جۋرناليستەر مەن جانكۇيەرلەردىڭ داۋىس بەرۋى ارقىلى انىقتالادى.
بۇعان دەيىن كريشتيانۋ رونالدۋ France Football-دان «التىن دوپ» العان بولاتىن. بۇل ماراپاتقا سونداي-اق مەسسي مەن گريزمان تالاسقان ەدى.