ورنى تولماس قازا: 2016-جىلى قايتىس بولعان تانىمال ادامدار - فوتو
ءبىر جىل ىشىندە ەلىمىزدە ەلەۋلى وزگەرىستەر بولىپ، قازاقستاننىڭ تۋى سوناۋ ا ق ش تورىندە جەلبىرەدى. مۇنىمەن قاتار، قايعىلى وقيعالار بولىپ، قالىڭ قازاق تانىمال تۇلعالارىن جوقتاۋعا ءماجبۇر بولدى. كورشى مەملەكەتتەرگە كوڭىل ايتتى.
يسلام كارىموۆ
اعىمداعى جىلدىڭ تامىز ايىندا رەسەيدەگى «فەرگانا. رۋ» اگەنتتىگى يسلام كارىموۆتىڭ قايتىس بولعانى تۋرالى اقپارات تاراتتى. اتالعان بۇقارالىق اقپارات قۇرالىنىڭ مالىمەتى بويىنشا، وزبەك ليدەرىنىڭ ءولىمى تاشكەنت ۋاقىتىمەن 15:16 ساعات (استانا بويىنشا 16:17) ارالىعىندا ورىن العان.
جاڭالىق جۇرتقا جاريا بولىسىمەن، اگەنتتىكتىڭ باسى داۋعا قالدى. سەبەبى، بۇل ۋاقىتتا پرەزيدەنتتىك ءولىمى تۋرالى اقپارات رەسمي راستالماعان-دى. ءتىپتى، ونىڭ جاعدايىنىڭ تۇراقتى ەكەندىگى تۋرالى جارىسا جازىلا باستادى. ارادا بىرنەشە كۇن وتكەن سوڭ، وزبەكستان پرەزيدەنتىنىڭ قايتىس بولعانى رەسمي راستالدى.
فيدەل كاسترو
فيدەل كاسترو 2016-جىلدىڭ 25- قاراشا كۇنى 90 جاسىندا قايتىس بولدى. ول ونداعان جىلدار بويى كۋبا رەسپۋبليكاسىن باسقارعان، كۋبا رەۆوليۋتسياسىنىڭ كوشباسشىسى ەدى. اعاسىنىڭ ءولىمى جايىندا كۋبا باسشىسى راۋل كاسترو ۇلتتىق تەلەارنا ارقىلى ۇندەۋ جولداۋ بارىسىندا حابارلادى. ول رەۆوليۋتسيا كوشباسشىسىنىڭ دەنەسى ءوز قالاۋى بويىنشا كرەماتسيالاناتىنىن ايتتى.
فيدەل كاسترو 1950-جىلدارى ديكتاتور فۋلحەنسيو باتيستا رەجىمىنە قارسى كۇرەستى باسقاردى. 1959-جىلى رەۆوليۋتسيا جەڭىسكە جەتكەننەن كەيىن ول ەلدى باسقاردى. مەملەكەتتىك كەڭەس باسشىسى، مينيسترلەر كەڭەسى ءتوراعاسى جانە كۋبانىڭ كوممۋنيستىك باسقارۋشى پارتياسىنىڭ ءبىرىنشى حاتشىسى قىزمەتتەرىن اتقاردى. جۇرت ونىڭ وسى كۇنگە دەيىن 35 مىڭ ايەلى بولعاندىعى تۋرالى اقپارات تاراتتى.
مۇحاممەد ءالي
ەسىمى اڭىزعا اينالعان بوكسشى تىنىس الۋ پروبلەمالارىنا بايلانىستى ا ق ش اۋرۋحانالارىنىڭ بىرىنە جاتقىزىلدى. دارىگەرلەر بىردەن ونىڭ قالىنىڭ مۇشكىل ەكەنىن حابارلادى. ارتىنشا تۋىستارى ونى فەنيكس اۋرۋحاناسىنان الىپ كەتپەك بولادى. بۇل ويلارى جۇزەگە اسپاي، مۇحاممەد ءالي 3- ماۋسىم كۇنى قايتىس بولادى. امەريكالىق تەلەكومپانياعا سپورتشىنىڭ ءولىمى تۋرالى اقپاراتتى ونىڭ وتباسىنىڭ وكىلى راستادى. بوكسشىنى جەرلەۋ ءراسىمى مۇسىلمان شاريعاتىنا ساي وتكىزىلدى.
اناندي ءرولىن سومداعان اكتريسا
قازاق كورەرمەنىنە اناندي ەسىمىمەن تانىس پراتيۋشا بانەردجي ءساۋىردىڭ 2 ءسى كۇنى كوز جۇمدى. ءۇندى اكتريساسىنىڭ ءولى دەنەسى ءوز ۇيىنەن تابىلعان. پوليتسيا قىزمەتكەرلەرىنىڭ ايتۋىنشا، 24 جاستاعى بانەردجي ءۇيىنىڭ شاتىرىندا اسىلىپ قالعان. ازىرگە ونىڭ ولىمىنە قاتىستى كۇدىكتىلەر تابىلمادى.
جاس اكتريسانى جەرلەۋگە ارنالعان كيىمدى ديزاينەر روحيت ۆەرما تىككەن. دەرەككوز مالىمەتتەرىنە سۇيەنسەك، وزىنە قول جۇمساردان ءبىراز بۇرىن پراتيۋشا بانەردجي ءدال وسى كويلەككە تاپسىرىس بەرگەن ەكەن. Hindustan Times مالىمەتىنشە، قايتىس بولاردان ءبىراز بۇرىن پراتيۋشا بانەردجي جىگىتىنىڭ ۇستىنەن سوتقا ارىز تۇسىرمەكشى بولعان.
ەركەش شاكەيەۆتىڭ ۇلى
تانىمال كومپوزيتور ەركەش شاكەيەۆتىڭ ۇلى سافاردىڭ ناقتى قاشان قايتىس بولعانى بەلگىسىز. سەبەبى، ونى الماتىلىقتار بىرنەشە اپتا بويى ەسەنتاي جاعالاۋىنىڭ ماڭىنان ىزدەگەن بولاتىن. ارتىنشا ءولى دەنەسى وزەن ىشىنەن تابىلىپ، شىلدەنىڭ 29 ى كۇنى سافار شاكەيەۆتىڭ تۋىسقاندارى ونى جەر قوينىنا تاپسىردى. قارالى حاباردى ەستىگەن جۇرت قازاق كونسەرت زالىنا جينالدى. قوشتاسۋ راسىمىنە بارشا تۋىسقانى مەن دوسى، قازاقستاندىق جۇلدىزدار مەن ۇستازدارى كەلدى.
ءراسىم بارىسىندا ولار سافار تۋرالى ەستەلىكتەرىن ءبولىسىپ، اتا-اناسى مەن قارىنداستارىنا كوڭىل ايتتى. ولاردىڭ قاتارىندا ساكەن مايعازيەۆ، ناعيما ەسقاليەۆا، ءالي وقاپوۆ، دياس ابلايەۆ، مەدەۋ ارىنبايەۆ، ەرلان ءبىلال سىندى تانىمال ادامدار بولدى.
بولات سىزدىقوۆ
مامىردىڭ 7 ءسى كۇنى «ميۋزيكولا» توبىنىڭ ءسوليسى بولات سىزدىقوۆ دۇنيەدەن وزدى. قارالى حابار مۋزىكاشى تىڭدارماندارىنىڭ جۇرەگىن قارىپ وتكەن-ءدى. ونىڭ ولىمىنە ترومبتىڭ ءۇزىلۋى سەبەپ بولعان ەكەن. قايعىلى وقيعا ساناۋلى سەكۋند ىشىندە بولعان. سىزدىقوۆ جەدەل جاردەم كەلىپ ۇلگەرگەنشە ومىردەن وتەدى. 60 جىلدىق مەرەيتويىنا نەبارى ءبىر جارىم اي ۋاقىت قالعان بولاتىن.
بولات سىزدىقوۆ الماتىداعى كەڭساي قورىمىنا، ءبىر جىل بۇرىن قايتىس بولعان باتىرحان شۇكەنوۆتىڭ جانىنا جەرلەندى. قارالى جيىنعا كەلگەن جۇرت ارتيسكە ارنالعان سوڭعى شاپالاقتارىن سوعىپ، اقتىق ساپارعا شىعارىپ سالدى. تابىت جانىندا ونىڭ ونەردەگى سەرىگى كارينا ابدۋللينا سىزدىقوۆتىڭ تاستاماي كيەتىن قارا شلياپاسىن كەۋدەسىنە باسىپ ءجۇردى. ال مۋزىكانتتىڭ 12 جىل بويىنا قولىنان تاستاماعان گيتاراسىن رينات گايسين ۇستاپ ءجۇردى. ول قايتىس بولعان سوڭ جۇرت بىلمەگەن قۇپيانىڭ سىرى اشىلدى. كارينا ابدۋللينا وزگە ەر ازاماتتان تۋعان بالاسىن بولات سىزدىقوۆتىڭ اتىنا جازدىرعان ەكەن.
بۇرىنعى دەنساۋلىق ساقتاۋ ءمينيسترى ساليدات قايىربەكوۆا
قازاقستاننىڭ دەنساۋلىق ساقتاۋ ءمينيسترى قىزمەتىن اتقارعان ساليدات قايىربەكوۆا اۋىر سىرقاتتان كوز جۇمدى. بۇعان دەيىن ول 23- ماۋسىمنان باستاپ استاناداعى ۇلتتىق نەيروحيرۋرگيا ورتالىعىندا ەمدەلىپ جاتقان-دى. ەكس-ءمينيستردىڭ قايتىس بولعانى تۋرالى العاشقىلاردىڭ ءبىرى بولىپ كارىم ءماسىموۆ جازدى.
ساليدات قايىربەكوۆا ق ر دەنساۋلىق ساقتاۋ ءمينيسترى بولدى، كەيىننەن ول دەنساۋلىق ساقتاۋ جانە الەۋمەتتىك دامۋ مينيسترلىگىنىڭ ءبىرىنشى ۆيتسە-ءمينيسترى ەتىپ تاعايىندالعان بولاتىن. ال 2015-جىلدىڭ قازان ايىنان باستاپ قايىربەكوۆا «ۇلتتىق مەديتسينالىق حولدينگ» ا ق باسقاردى. «University Medical Center» كورپوراتيۆتىك قورى باسقارماسىنىڭ ءتورايىمى بولىپ جۇمىس ىستەدى.
بريتانيالىق ءانشى دجوردج مايكل
بەلگىلى بريتانيالىق ءانشى دجوردج مايكل 54 جاسقا كەلگەن شاعىندا دۇنيەدەن ءوتتى. ءانشى وكسفورلدشير گرافتىعىندا ءوز ۇيىندە باقيلىق بولعان. ونىڭ ءولىمىن جەرگىلىكتى پوليتسيا دا راستادى. ازىرگە قازانىڭ ناقتى سەبەبى ايتىلعان جوق. تەك بەلگىلىسى پوليتسيا ەشبىر كۇدىكتى جاعدايدى بايقاماعان. 2011-جىلى ءانشى پنيەۆمونيانىڭ اۋىر تۇرىنە شالدىققان ەدى. جاساندى تىنىس الۋ اپپاراتىنا جالعانىپ، داۋىسىن جوعالتىپ الۋ قاۋپى دە تۋىنداعان بولاتىن. الايدا ءانشى سول جىلى تولىققاندى اۋرۋدان ايىققانىن حابارلاعان-دى.
Stan.kz
