قازاقستاننىڭ ەڭ سۇلۋ قىزى «الەم ارۋى-2016» بايقاۋىنا دايىندالۋدا - فوتو
ا ق ش استاناسى ۆاشينگتوندا وتەتىن سۇلۋلىق بايقاۋىنا ءاليا اتىراۋدا حورەوگراف اننا شۋلگامەن بىرگە جاتتىعۋدا. ءاليا ا ق ش تورىندە دومبىرانىڭ سۇيەمەلدەۋىمەن ءبي بيلەمەك.
2015-جىلى «قازاقستان ارۋى» اتانعان ءاليا سۇلۋلىق الەمىندەگى مانسابىن مەكتەپ كەزىندە باستاعان. اقتاۋ مەكتەبىنىڭ سۇلۋى دەپ تانىلعان بويجەتكەن كەيىننەن وبلىستىق بايقاۋدا توپ جاردى. اقىرىندا قازاقستاننىڭ ەڭ سۇلۋ بويجەتكەنى اتاعىنا يە بولدى.
ءوز سوزىندە ءاليا ەشقاشان كىتاپ وقىمايتىنىن ايتسا دا، ءادىل قازىلار القاسى باس جۇلدەنى اقتاۋلىق قىزعا بەردى. كەيىننەن ونىڭ كىتاپ وقىماۋىنىڭ سەبەبى انىقتالدى. مۇناي كومپانياسىندا زەرتحاناشى بولىپ قىزمەت اتقاراتىن اناسى جۇمىسقا كەتكەن كەزدە ءاليا ەكى ءىنىسى مەن ءبىر سىڭلىسىنە، سونداي-اق، اعاسىنا قامقور بولعان. اس ازىرلەپ، كوپ ۋاقىتىن ءۇي شارۋاسىنا ارناعان، دەپ حابارلادى ەكسپرەسس- ك.
ايتا كەتەيىك، ۇلتتىق بايقاۋدا قول جەتكىزگەن جۇلدەسىنىڭ ءبىر ميلليونىن ءاليا قايىرىمدىلىققا جۇمسادى. قازاقستاننىڭ ەڭ سۇلۋ بويجەتكەنىنىڭ جۇرەگى بوس ەمەس، سۇيىكتىسى بار. عاشىقتار بىرنەشە جىلدان بەرى كەزدەسىپ جۇرگەن كورىنەدى.
«الەم ارۋى» بايقاۋىندا ءاليا كيىپ شىعاتىن كويلەكتى اقتاۋلىق ديزاينەر گاۋحار ءامىروۆا تىگىپ جاتىر. ال تانىمال فوتوگراف مارەتا كەليگوۆا ءاليانىڭ ارنايى فوتوسەسسياسىن ۇيىمداستىردى. جەلىگە جۇكتەلگەن قىزدىڭ سۋرەتتەرىنە كوپشىلىك جوعارى باعا بەردى. ال شەتەلدىك جەلى قولدانۋشىلارى قازاق قىزىنىڭ ءمىنسىز ءتۇر-كەلبەتىنە قايران قالعاندارىن جاسىرمادى.
ءاليا مەرگەمبايەۆا اقىلىنا كوركى ساي تالانتتى قىز، كەڭ جۇرەك يەسى. سۇلۋ قىزدىڭ داۋسى دا ەرەكشە. جۋىردا ول اۋتيست-بالالاردىڭ كونسەرتىنە قاتىسىپ قايتتى. جەتكىنشەكتەرمەن بىرگە ءبىراز ۋاقىت وتكىزگەن ءاليا قوشتاسار ساتتە كوزىنە جاس الدى. بۇدان بولەك، ءاليا قازاقتىڭ سالت-داستۇرلەرىن جاقسى بىلەدى. نۇرلان قويانبايەۆتىڭ «تۇنگى ستۋديا» باعدارلاماسىندا تەلەجۇرگىزۋشىنىڭ «كەلىن قانشادا تۇرۋ كەرەك؟ 6 الدە 6.01؟» - دەگەن ساۋالىنا العاشقىدا نە دەپ جاۋاپ بەرەرىن بىلمەگەن ءاليا كەيىننەن كەلىندىك مىندەتىن اتقارۋ ءۇشىن كەز كەلگەن ۋاقىتتا تۇرۋعا دايىن ەكەنىن ءمالىم ەتتى.
Stan.kz
