ەلوردادا «جىل مۇعالىمى - 2016» كونكۋرسىنىڭ جەڭىمپازى ماراپاتتالدى
اتالعان بايقاۋدا دارىندى بالالارعا ارنالعان №9 مەكتەپتىڭ بيولوگيا ءپانىنىڭ مۇعالىمى ءلازىم قاسىموۆا ۇزدىك اتاندى، دەپ حابارلايدى قالالىق اكىمدىكتىڭ باسپا ءسوز قىزمەتى.
شارا بارىسىندا استانا قالاسى اكىمىنىڭ ورىنباسارى ەرمەك امانشايەۆ ۇزدىك پەداگوگتى جانە جينالعان قاۋىمدى قۇتتىقتاپ، ءسوز سويلەدى.
- مۇعالىم بولۋ اركىمنىڭ قولىنان كەلە بەرمەيدى، بۇل قىزمەتتە قۋانىش تا، قيىندىقتار دا بولادى، ءسىز وسى كاسىپكە ءومىرىڭىزدى ارناپ، بولاشاق ۇرپاقتى تاربيەلەپ، وقىتىپ كەلەسىز. جىلدان جىلعا تۇلەكتەرىمىز، مەكتەپ وقۋشىلارى جاقسى ناتيجەلەرگە قول جەتكىزۋدە. وسى ءۇشىن زور العىسىمدى بىلدىرەمىن، مەرەكەلەرىڭىزبەن، - دەدى ەرمەك امانشايەۆ.
ەلوردا باسشىسىنىڭ ورىنباسارى كوپ جىل ەڭبەك ەتكەن مۇعالىمدەر مەن جاس ماماندارعا ءوز قولىنان قىزمەتتىك پاتەردىڭ كىلتىن تابىستادى.
- استانا قالاسىنىڭ اكىمى اسەت يسەكەشيەۆتىڭ شەشىمىمەن جىل سوڭىنا دەيىن اكىمدىك وسى ءداستۇردى جالعاستىراتىن بولادى. مەنىڭشە، جىل اياقتالعانشا تاۋەلسىزدىك كۇنى قارساڭىندا باسپانالى بولاتىن مۇعالىمدەر مەن وقىتۋشىلار سانى ون ەسەگە ارتادى، - دەدى ەرمەك امانشايەۆ.
سالتاناتتى شارا بارىسىندا ءتۇرلى نوميناتسيالار بويىنشا جەڭىمپازدار ماراپاتتالدى.
ۇستىمىزدەگى جىلى №26 «ءۇمىت» بالاباقشاسى ۇزدىك دەپ تانىلدى. مەكتەپتەر اراسىندا رايىمبەك باتىر اتىنداعى №50 «قازعارىش» مەكتەپ- ليتسەيى توپ جاردى.
«قوسىمشا ءبىلىم بەرەتىن ۇزدىك ۇيىم» نوميناتسياسىندا م. وتەمىسوۆ اتىنداعى وقۋشىلار سارايى كوش باستادى. كولىك جانە كوممۋنيكاتسيا كوللەدجى ۇزدىك تەحنيكالىق جانە كاسىپتىك ءبىلىم بەرەتىن ۇيىم اتاندى.
مامانداندىرىلعان ۇيىمداردىڭ ىشىندە №3 پسيحولوگيالىق- مەديتسينالىق- پەداگوگيكالىق كونسۋلتاتسيا ۇزدىك بولدى، ال №17 مەكتەپ- گيمنازيا يننوۆاتسيالىق مەكتەپ اتاندى.
مۇنىمەن قوسا، №66 مەكتەپ- ليتسەيدىڭ باستاۋىش سىنىپ وقىتۋشىسى مايا جۇبانىشقاليەۆا مەن ورىس ءتىلى جانە ادەبيەتىنىڭ مۇعالىمى قانيپا ءسابيتوۆاعا «ق ر ءبىلىم بەرۋ ءىسىنىڭ قۇرمەتتى قىزمەتكەرى» توسبەلگىسى تابىستالدى.
«12 - جىلدىق ءبىلىم بەرۋ جۇيەسىن قولداۋ جانە اعىلشىن ءتىلى ورتالىعى» م ك ق ك ديرەكتورى باقىت قادىروۆا، №6 مەكتەپ- گيمنازياسىنىڭ ماتەماتيكا مۇعالىمى تاتيانا انيسيفيروۆا، №36 وم گەوگرافيا مۇعالىمى ليليا بىستروۆا، №15 مەكتەپ- ليسەيدىڭ فرانسۋز ءتىلىنىڭ مۇعالىمى ناتاليا پاشكوۆا، ەنەرگەتيكا جانە بايلانىس كوللەدجىنىڭ ورىس ءتىلى جانە ادەبيەتى ءپانىنىڭ مۇعالىمى ءاليا زاكيروۆا ق ر ءبىلىم جانە عىلىم مينيسترلىگىنىڭ ۆەدومستۆولىق ناگرادالارىمەن، «ىبىراي التىنسارين» توسبەلگىسىمەن ماراپاتتالدى.
