20:17, 16 - قىركۇيەك 2016 | GMT +5
بوكسشى دانيار ەلەسۋسىنوۆ «التىن جۇرەك-2016» سىيلىعىنا ۇسىنىلدى
الماتى. قازاقپارات - بوكستان ريو وليمپياداسىنىڭ چەمپيونى دانيار ەلەۋسىنوۆ «التىن جۇرەك-2016» سىيلىعىنا ۇسىنىلدى، دەدى «باۋىرجان» قايىرىمدىلىق قورىنىڭ رەسمي وكىلى اينۇر سالىمبايەۆا.
«سپورتشىنى باتىس قازاقستان وبلىسىنداعى «بايتەرەك» مۇگەدەك بالالاردىڭ اتا-انالار قاۋىمداستىعى ۇسىنىپ وتىر. ونى «مۇگەدەكتەرگە جاردەم» اتالىمى بويىنشا ماراپاتتاۋ سۇرالىپ وتىر»، - دەدى اينۇر سالىمبايەۆا.
«التىن جۇرەك-2016» سىيلىعى يەگەرلەرىنىڭ ەسىمى 27- قازاندا بەلگىلى بولادى. ايتا كەتەيىك، مەيىرىمدى جانداردى ماراپاتتاۋ شاراسى ەلىمىزدە 9-جىل قاتارىنان ۇيىمداستىرىلىپ كەلەدى.
ونىڭ ەرەجەسى بويىنشا «باۋىرجان» قايىرىمدىلىق قورى جىل بويى ادامداردان جان جىلۋىن ايامايتىنداردى ىزدەيدى.
جىل سايىن اتالعان سىيلىق 11 اتالىم بويىنشا بەرىلەدى.
ەسكە سالا كەتەيىك، وليمپيادا چەمپيونى دانيار ەلەۋسىنوۆ مۇگەدەك بالالارعا جاردەم ەتەتىن «بايتەرەك» قورىنىنا 10 ميلليون تەڭگە اۋدارعان بولاتىن.
