الماتىلىقتار «توي قازان-2016» فەستيۆالىندە قازاقستان حالقى ۇلتتىق تاعامدارىنان ءدام تاتتى
بۇل شارا بيىل قالا اكىمشىلىگى مەن قازاقستان حالقى اسامبلەياسىنىڭ قولداۋىمەن الماتىنىڭ 1000 جىلدىعىنا وراي ۇيىمداستىرىلدى.
فەستيۆالگە الماتى قالاسىنىڭ اكىمى باۋىرجان بايبەك، قازاقستان حالقى اسسامبلەياسى ءتوراعاسىنىڭ ورىنباسارى ەرالى توعجانوۆ، تالدىقورعان قالاسىنىڭ اكىمى باعدات قاراسايەۆ، ەتنومادەني بىرلەستىكتەردىڭ وكىلدەرى، الماتىلىقتار مەن قالا قوناقتارى قاتىستى.
«ءبىزدىڭ حالقىمىز ەجەلدەن قوناقجايلىلىعىمەن ەرەكشەلەنەدى. «توي قازان» فەستيۆالى بۇل بىرلىك، دوستىق جانە كەلىسىم مەرەكەسى. مەن مۇنداي مەرەكەلەردىڭ قولداۋعا يە بولۋى تيىستىگىنە سەنىمدىمىن. الماتىدا 2 مىڭنان استام ءدامحانا مەن مەيرامحانا بار. ولار قالالىقتار مەن تۋريستەرگە ءتۇرلى دامدەگى تاعامداردى ۇسىنۋىمەن قاتار 50 مىڭنان استام جۇمىس ورىندارىن دا قامتاماسىز ەتىپ وتىر»، - دەدى فەستيۆال بارىسىندا قالا اكىمى.
ايتا كەتەرلىگى، الماتىلىقتار مەن قالا قوناقتارىن ارنالىپ ساعات 11:00 دەن 21:00 اراسىندا كەڭەيتىلگەن ويىن-ساۋىق باعدارلاماسى ءوتتى. سپورتتىق جانە بالالار الاڭى كورەرمەندەردى ءارتۇرلى سپورتتىق جارىستارعا، ويىن-ساۋىق تانىمدىق بايقاۋلار مەن ويىندارعا قاتىستىردى.
مەرەكەنىڭ ەڭ باستى وقيعاسى رەتىندە قالانىڭ ۇزدىك شەف-اسپازشىلارىنان ەڭ ءدامدى ەتكە بايقاۋ جۇرگىزىلىپ، «باۋىرساق شوۋ» وتكىزىلدى. سونىمەن بىرگە، فەستيۆال قوناقتارى «ۇلتتىق كيىمدەر» بايقاۋىنان ۇلتتىق كيىمدەردىڭ ادەمىلىگىن تاماشالاي الدى.
فەستيۆالدىڭ باستى ساحناسىندا قازاقستان حالىقتارىنىڭ 11 ۇلت وكىلدەرىنىڭ مادەني ورتالىقتارى ونەر كورسەتتى. قازاقستاندىق ەسترادا جۇلدىزدارىنىڭ نون-ستوپ كونسەرتى ۇيىمداستىرىلدى. الماتىلىقتاردىڭ الدىندا وپەرالىق ءان ورىنداۋدىڭ تاڭداۋلىلارى مايرا مۇحامەت قىزى، سۇندەت بايعوجين، ايگىلى مۋزىكانتتار «دوس مۇقاسان»، مەدەۋ ارىنبايەۆ، سەيفۋللين جولبارىس، جەڭىس سەيدوللا ۇلى، گۋليا تولەگەنوۆا، گاۋحار ساتتاروۆا جانە «Steps» توبى، سكريپكاشى ءجاميلا سەركەبايەۆا مەن ايدا ايۋپوۆا، Magic of Nomads ، «دەرۆيشي»، «مۋزارت»، «رينگو»، «رەنزو»، «ايۋمي» توپتارى، الي وكاپوۆ سەكىلدى انشىلەر ءوز ونەرلەرىن كورسەتتى.
فەستيۆال اياسىندا العاش رەت «توي قازان داۋىسى» ءان بايقاۋى ءوتتى. 43 كونكۋرسانتتاردىڭ اراسىنان ىرىكتەلىپ الىنعان 10 قاتىسۋشى كاسىبي مۋزىكانتتارمەن بىرگە اڭىزعا اينالعان «مەدەۋ»ساحناسىندا ونەر كورسەتەتىن بولادى.
اۆتور: مارلان جيەمباي
