ق ر قورعانىس ءمينيسترى ارميا حالىقارالىق ويىندارى - 2016 بايقاۋلارىنىڭ جەڭىمپاز اسكەريلەرىن قۇتتىقتادى - فوتو

بۇل تۋرالى ق ر قورعانىس مينيسترلىگىنىڭ باسپا ءسوز قىزمەتىنەن حابارلادى.
«مەن رەسەي فەدەراتسياسىمەن قاتار بيىلعى جىلى ەلىمىزدە العاش رەت وتكەن ارميا حالىقارالىق ويىندارىنا قاتىسقانداردىڭ بارلىعىن قۇتتىقتايتىنىما قۋانىشتىمىن. ءبىز جالپى كوماندالىق ەكىنشى ورىندى ەنشىلەدىك. مۇنىڭ ءوزى - جەتىستىك. ويتكەنى، ارميامىزدىڭ تاريحىنداعى ەڭ اۋقىمدى اسكەري باسەكەنىڭ كۋاگەرى بولدىق. مۇنداعى ساتتىلىكتىڭ قۇنى جاي عانا جوعارى ەمەس، شىنايى كۇردەلى ءارى قۇرمەتتى بولدى. جەر جاھاننىڭ 19 ەلىنەن كەلگەن 120 كوماندا، مىڭداعان مىقتى اسكەري كاسىپقويلار، جۇزدەگەن بىرلىك اسكەري تەحنيكا مەن اۆياتسيا ەكى اپتا بويى ءوز ىسىندە ۇزدىكتەر اتاعىنا باق سىناستى. سوندىقتان بۇل ناتيجەگە جەتۋىمىز ورتاق كۇش- جىگەرىمىز بەن ءاربىر كوماندا مۇشەسىنىڭ جەمىسى»، - دەدى ق ر قورعانىس ءمينيسترى يمانعالي تاسماعامبەتوۆ.
ارميا حالىقارالىق ويىندارى - 2016 بايراقتى باسەكەسىنە قاتىسقان 20 ساردارعا قول جەتكىزگەن جەتىستىكتەرى ءۇشىن كەزەكتى اسكەري اتاقتارى مەرزىمىنەن بۇرىن بەرىلدى. ولاردىڭ اراسىندا «1-دارەجەلى كاپيتان» اسكەري اتاعى الىبەك احەتوۆكە، «پودپولكوۆنيك» شەنى رۋسلان العۋاتوۆقا، ەربول اۋباكىروۆكە، داۋرەن ەسپەردينوۆكە، «مايور» اتاعى تالاپ ءبىربالانوۆقا، امانجول راحمەتوۆكە، رۋستام كارىموۆكە، ادىلبەك ىسقاقوۆقا، رۋسلان ماقاديەۆكە بەرىلدى. بايقاۋداعى جوعارى جەتىستىكتەرى ءۇشىن اسكەري قىزمەتشىلەرگە باعالى سىيلىقتار تابىس ەتىلدى. «مەرگەن شەبى» بايقاۋىنىڭ جەڭىمپازى كىشى سەرجانت نۇرسۇلتان باقتىورازعا اۆتوكولىك، «ارتيللەريالىق وق اتۋ شەبەرلەرى» بايقاۋىنىڭ جۇلدەگەرى سەرجانت عابيت داۋلەتوۆكە اۆتوكولىك، ەسەپتوپ مۇشەلەرىنە تەلەديدار، «تانك بياتلونىنىڭ» ۇزدىك ەكيپاجى 10810 ءا/ب تانكتى روتاسىنىڭ كومانديرى اعا لەيتەنانت اسىلبەك ءمۇسىرمانقۇلوۆقا اۆتوكولىك، ەكيپاج مۇشەلەرىنە تەلەديدار.
«ەلباسىمىز - ق ر قارۋلى كۇشتەرىنىڭ جوعارعى باس قولباسشىسى نۇرسۇلتان ءابىش ۇلى نازاربايەۆ ايتقانداي، «ابىروي، داڭق، قاجىرلىق، جەڭىس جانە ارميادا ماقتان ەتۋگە داعدىلانىپ قالعانىمىزدىڭ بارلىعى قاراپايىم ساربازدىڭ ۇلكەن جاۋاپكەرشىلىگىنىڭ جەمىسى عانا». مەنىڭ پايىمداۋىمشا، بۇل جاۋىنگەرلىك سايىسقا قاتىسۋشىلاردىڭ ءارقايسىسىنىڭ كۇش- جىگەرىنەن بولعان وي- پىكىردەن عانا قيسىندى ەمەس. بۇل جالپى كوماندالىق رۋحىمىزدىڭ كورسەتكىشىنە اينالدى»، - دەپ قورعانىس ۆەدومستۆوسىنىڭ باسشىسى اتاپ ءوتتى.
ناگرادالار جانە قۇندى سىيلىقتارمەن قاتار جۇلدەلى ورىندارعا يە بولعان ويىنعا قاتىسقانداردىڭ بارشاسى 10 كۇندىك دەمالىس جانە اقشالاي سىياقىمەن كوتەرمەلەندى. ويىنعا قاتىسۋشىلاردىڭ ءبىرقاتارى، سونداي- اق، شىعارماشىلىق توپتىڭ جەتەكشىلەرى «حالىقارالىق اسكەري ىنتىماقتاستىقتى نىعايتقانى ءۇشىن» مەدالىمەن ماراپاتتالدى. بارلىق سايىستار تىكەلەي ەفيردە كورسەتىلگەنىن ايتا كەتەيىك. جالپى العاندا، كانادا، ۇلى بريتانيا، جاپونيا مەن ا ق ش سياقتى ەلدەردەگى كورەرمەندەر دە قامتىلىپ، اتالمىش باسەكەنى 450 مىڭنان اسا ادام تاماشالادى. بۇل دەگەنىمىز - ويىننىڭ جوعارى دەڭگەيدە وتكەنىنىڭ دالەلى. كەلەسى جىلى قازاقستان ءوز جەرىندە ارميا حالىقارالىق ويىندارىن جاڭارتىلعان باعدارلاما تۇرىندە وتكىزەدى. اسكەري پوليگوندارىمىزدىڭ اۋماعىندا العاش رەت 5 بايقاۋ وتكىزىلەدى. ونىڭ 3 ءپىشىمى مەن قاتىسۋشىلارى بويىنشا تىڭ جاڭا. ارميا حالىقارالىق ويىندارىنىڭ باعدارلاماسىنا العاش رەت بروندالعان اۆتوماشينالارداعى راللي، ۇۇا بايقاۋى، سونداي- اق، ايەل اسكەري قىزمەتشىلەرگە ارنالعان كوپسايىس ارنايى بايقاۋى قوسىلادى.