06:06, 22 - تامىز 2016 | GMT +5
ريو-2016: جابىلۋ سالتاناتى كوزدىڭ جاۋىن الاتىن كورىنىستەرگە تولى بولۋدا
استانا. قازاقپارات - ءدال قازىرگى ساتتە ريو- دە- جانەيرو قالاسىنداعى «ماراكانا» فۋتبول ستاديونىندا 31 - جازعى وليمپيادا ويىندارىنىڭ جابىلۋ سالتاناتى وتۋدە.

سالتاناتتى ءراسىم كوزدىڭ جاۋىن الاتىن كورىنىستەرمەن باستالىپ، ول اتاقتى ونەر شەبەرلەرى قويعان كونسەرتكە ۇلاستى.
حالىقارالىق وليمپيادا كوميتەتىنىڭ پرەزيدەنتى توماس باح باستاعان مارتەبەلى مەيماندار تاماشالاپ وتىرعان شارا كەزىندە بەس قۇرلىقتىڭ سپورتتاعى بىرلىگىن بەينەلەيتىن وليمپيادا لوگوتيپى جانە باسقا كومپوزيتسيالار مەن اندەردەن كەيىن برازيليانىڭ ءانۇرانى ورىندالىپ، تۋى كوتەرىلدى. وڭتۇستىك امەريكاعا ءتان كارناۆالدىق كورىنىستەردەن كەيىن وليمپياداعا قاتىسقان مەملەكەتتەردىڭ تۋلارى، سونىڭ ىشىندە قازاقستان رەسپۋبليكاسىنىڭ كوك بايراعى دا الاڭدا جەلبىرەدى.
ءوز تۋلارىن كوتەرىپ شىققان، قۋانىش قۇشاعىنداعى سپورتشىلار مەرەكەگە ەرەكشە شىراي قوسۋدا. ولاردىڭ اراسىندا ەل مەرەيىن ۇستەم ەتكەن قازاقستاندىق اتلەتتەر دە از ەمەس.