09:24, 21 - تامىز 2016 | GMT +5
ريو-2016: رۋسلان جاپاروۆ قولا ءۇشىن تارتىستا ۇتىلىپ، جۇلدەسىز قالدى
ريو- دە- جانەيرو. قازاقپارات - بۇگىن برازيليانىڭ ريو- دە- جانەيرو قالاسىندا ءوتىپ جاتقان وليمپيادا ويىندارىندا +80 كەلى سالماقتاعى تايەكۆوندوشىمىز رۋسلان جاپاروۆ قولا جۇلدە ءۇشىن تالاستا ۇتىلىپ، جۇلدەسىز قالدى،

دەپ حابارلادى، ريوداعى قازاقپارات ءتىلشىسى.
ول مەدال ءۇشىن باسەكەدە وڭتۇستىك كورەيالىق چحا دون ميننەن جەڭىلىپ قالدى. وسىلايشا تايەكۆوندوشىلارىمىز دا جارىستى جۇلدەسىز اياقتادى.
ەسكە سالا كەتسەك، قازاقستاندىق تايەكۆوندوشى، ۇلتتىق قۇرامانىڭ تۋىن الىپ شىققان رۋسلان جاپاروۆ ريودا جۇلدەگە قول جەتكىزەدى دەگەن جانكۇيەرلەرىنىڭ ءۇمىتىن اقتاي الماعان بولاتىن. ول ءتىسقاققان ازەربايجان سپورتشىسى راديك يسايەۆپەن كەزدەسىپ، قارسىلاسى ونى ايقىن باسىمدىقپەن ۇتتى، ەسەپ - 11:2.
كەيىن راديك يسايەۆ فينالعا شىعۋىنا بايلانىستى قولا جۇلدە ءۇشىن ايقاسۋعا مۇمكىندىك العان ەدى.
اۆتور: كۇنسۇلتان وتارباي