ريو-2016: قىزىمنىڭ جۇلدە الاتىنىنا سەندىم - ناتاليا لاريونوۆا

ورال. قازاقپارات - قىزىمىز ەكاتەرينا لاريونوۆانىڭ ريو وليمپياداسىندا ءساتتى ونەر كورسەتىپ، جۇلدە الاتىنىنا سەندىم. بۇل تۋرالى ورال قالاسىندا تۇراتىن وليمپيادا جۇلدەگەرىنىڭ اناسى ناتاليا لاريونوۆا ءمالىم ەتتى.
None
None

ونىڭ ايتۋىنشا، قىزىنىڭ وسىنداي تابىسقا جەتۋىنە اكەسى، كىشكەنتاي كۇنىنەن كۇرەس ونەرىنە باۋلىپ كەلە جاتقان الەكسەيدىڭ قوسقان ۇلەسى ولشەۋسىز.

 «اكەسى ەلدە قالسا دا، ەكى اپتا بويى تىنىم تاپقان جوق. ەكاتەرينانىڭ بارلىق قارسىلاستارىنىڭ قارىمىن سارالاپ، قىزىنا اقىلىن ايتتى. كاتيا وسىنىڭ الدىنداعى جارىستاردىڭ بىرىندە ميى شايقالىپ، جاراقات العان ەدى. ابىروي بولعاندا، دارىگەرلەر ەمدەپ، قاتارعا قوستى. ەكى- ءۇش كۇن بۇرىن سويلەسكەنىمدە، «ءبارى جاقسى»، دەدى. قولا جۇلدەگەر اتانعاننان كەيىن قۋانىشتا شەك بولعان جوق. كاتيانىڭ ءوزى دە: «العا، قازاقستان! اكە، مەن سەنى جاقسى كورەمىن!» دەپ جاتتى.

 جالپى، 1994 - جىلعى كاتيامىز - وتباسىنداعى بەس بالانىڭ ۇلكەنى. ودان كەيىن نۇرلىبەك 1998 -جىلى دۇنيەگە كەلگەن. توقسانىنشى جىلداردىڭ اسا قيىن ۋاقىتىندا نۇرلىبەك رايىمقۇلوۆ دەگەن دوسىمىز بىزگە قاتتى كومەكتەسىپ ەدى، ەسىمىن سونىڭ قۇرمەتىنە قويدىق. قازاقتىڭ اتاقتى پالۋانى داۋلەت تۇرلىحانوۆتىڭ اتىن العان 1999 -جىلعى داۋلەتىمىز قازىردىڭ وزىندە اپەكەسى سياقتى 63 ك گ سالماقتا گرەك- ريم كۇرەسىنەن جاسوسپىرىمدەر اراسىندا حالىقارالىق جارىستاردا توپ جارىپ ءجۇر. 2003 -جىلعى الەكسەيىمىزدەن دە كۇتەر ءۇمىت مول. ول ورالداعى سپورتقا دارىندى بالالارعا ارنالعان مەكتەپ- ينتەرناتتا وقيدى. ءبىر سوزبەن ايتقاندا، وتاعاسى الەكسەيدەن باستاپ ءبارىمىز دە سپورتقا جاقىنبىز. ءبىزدىڭ وتباسىمىزبەن ارالاساتىن قازاق دوستارىمىز دا از ەمەس، ءبارى قۇتتىقتاپ جاتىر. بارشاسىنا راحمەت!»، - دەدى ناتاليا لاريونوۆا.

ەسكە سالا كەتەيىك، ورالدىق پالۋان، 22 جاسار ە. لاريونوۆا 63 ك گ سالماقتا ريو وليمپياداسىنىڭ قولا جۇلدەگەرى اتاندى. العاشقى بەلدەسۋىندە بەلورۋس پالۋانى، كەيىن فينالعا ءوتىپ، كۇمىس جۇلدەگەر اتانعان ماريا ماماشۋكتان 2:8 ەسەبىمەن ۇتىلعانىمەن، قولا جۇلدە ءۇشىن باسەكەلەردە ادەمى ادىستەر قولدانىپ، شۆەتسيالىق حەننا يوحانسوندى دا، امەريكالىق ەلەنا پيروجكوۆانى دا تازا جەڭىپ كەتتى. بوكستان قازاقستان ۇلتتىق قۇراماسىنىڭ كاپيتانى، اق جايىقتان تۇلەپ ۇشقان دانيار ەلەۋسىنوۆ استانا اتىنان شىققاندىقتان، ەكاتەرينا لاريونوۆا وسى وليمپيادادا باتىس قازاقستان وبلىسىنىڭ قورجىنىنا ءبىرىنشى مەدالدى سالدى. بۇعان دەيىن جاسوسپىرىمدەر مەن جاستار اراسىندا تالاي رەت توپ جارىپ، 2013 -جىلى بۋداپەشت قالاسىندا ايەلدەر كۇرەسىنەن الەم چەمپيوناتىنىڭ قولا جۇلدەگەرى اتانعان ەكاتەرينانىڭ الار اسۋلارى الدا. بۇيىرسا، ءتورت جىلدان كەيىن توكيو تورىنەن دە كورىپ قالارمىز.

null null null 

سوڭعى جاڭالىقتار