تارازدا 2016-وليمپيادا جۇلدەگەرى دزيۋدوشى ەلدوس سمەتوۆتى جىلى قارسى الدى - فوتو

تاراز. قازاقپارات - الماتى- تاشكەنت كۇرە جولىندا تاراز شەكاراسىندا تارازدىقتار 15 -تامىزدا تۇنگى ريو- دە جانەيرو - امستەردام - الماتى رەيسىمەن ەلگە كەلگەن ەلدوس سمەتوۆتى سالتاناتتى تۇردە قارسى الدى.
None
None

شىعابەرىس اركادا سپورتشىنى وبلسپورت، ب ا ق وكىلدەرى، دوستارى، تۋىستارى قازاقستاندىق تۋمەن، گۇل شوقتارىمەن قارسى الدى.

تۋىستارى، دوستارىنىڭ سۇيەمەلدەۋىمەن كولىكپەن كەلگەن ەلدوستى ەلى «ەلدوس - چەمپيون! العا، قازاقستان!» دەپ ەرەكشە قوشەمەتپەن قارسى الدى.

جۋرناليستەرگە سۇحبات بەرگەننەن كەيىن ەلدوس سمەتوۆ ەشتەڭەگە قاراماستان، ءوزىنىڭ جۇلدەسىنە كوڭىلى تولاتىنىن جەتكىزدى جانە كەلەسى وليمپيادادا التىن ۇتۋعا ۋادە بەردى.

 «ريودا «التىن» الۋدى كوزدەدىم، - دەدى سپورتشى، - قارسىلاستار مىقتى بولدى، بۇرىن رەسەيلىك قارسىلاسپەن كەزىگىپ، ونى جەڭسەم دە، وسى جولى جولىم بولمادى، دەمالىسسىز تاتاميگە شىعۋعا تۋرا كەلدى، كۇش، ساتتىلىك جەتىسپەدى دەۋگە بولادى».

ودان كەيىن تارازداعى تۇڭعىش پرەزيدەنت ساياباعىنا جول تارتتى. وندا اقساقالدار، جاستار، بالالار، جامبىلدىق سپورت، اكىمدىك، ق ح ا وكىلدەرى كۇتىپ الىپ، سپورتشىنى جۇلدەسىمەن قۇتتىقتادى.

تاراز اكىمى نۇرجان كالەندەروۆ ءداستۇر بويىنشا، سپورتشىنىڭ، ونىڭ باپكەرىنىڭ يىعىنا شاپان جاپتى. ەلدوسقا جەڭىسى ءۇشىن العىس ءبىلدىرىپ، تىلەگىن ايتتى.

 «جامبىلدىق دزيۋدوشى قازاقستان قۇراماسىنىڭ قانجىعاسىنا كۇمىس مەدال سالدى. ميلليونداعان قازاقستاندىقتاردىڭ ءۇمىتىن اقتادى. كۇردەلى تۋرنيردى ەڭسەردى. وليمپيادالىق ويىندار - جارىستىڭ ەرەكشە مارتەبەسى. سوندىقتان دا ەلدوستىڭ كۇمىس مەدالىنىڭ قۇندىلىعى زور».

ەسكە سالساق، ريو- دە- جانەيرودا 104 سپورتشى جارىسقا قاتىسۋعا اتتانسا، ونىڭ بەسەۋى جامبىل وبلىسىنان. بوكسشى ولجاس ساتتىبايەۆ، دزيۋدوشى ەلدوس سمەتوۆ، تاەكۆوندوشى رۋسلان جاپاروۆ، جەڭىل اتلەت ميحايل كراسيلوۆ، جۇيرىك سۆەتلانا گولەندوۆا (يۆانچۋكوۆا). پاراليمپيادالىق ويىنداردا جۇزگىش الەمدىك رەكوردشى ءزۇلفيا عابدۋللينا قاتىسادى.

سوڭعى جاڭالىقتار