ريو-2016: دىچكو- ادجاگبا جەكپە-جەگىندە الەمدىك بۋكمەرلەر كىمگە باسىمدىق بەرۋدە؟

استانا. قازاقپارات - ريودا ءوتىپ جاتقان وليمپيادا ويىندارىندا بوكستان 91 كەلىدەن جوعارى سالماق ساناتىنداعى فينالدىق كەزدەسۋدىڭ باستى ۇمىتكەرلەرىنىڭ ءبىرى - 2012 -جىلعى وليمپيادانىڭ قولا جۇلدەگەرى يۆان دىچكو.
None
None

مۇنداي بولجامدى الەمدىك بۋكمەكەرلىك كەڭسەلەر جاساپ وتىر.

ي. دىچكو شيرەك فينالدا نيگەريالىق ەفە ادجاگبامەن قولعا تۇيىستىرەدى. بۋكمەكەرلەردىڭ پايىمىنشا، اسا اۋىر سالماقتاعى بوكسشىلاردىڭ الداعى جەكپە-جەگىندە ي. دىچكو باستى ۇمىتكەر سانالادى. ونىڭ جەڭىس كوەففيسيەنتى 1.1، ال ە. ادجاگبادا - 4.5.

22 جاستاعى نيگەريالىق بوكسشى افريكا ويىندارىنىڭ چەمپيونى جانە دوستاستىق ويىندارىنىڭ قولا جۇلدەگەرى. ول 17 جاسىنان بوكسپەن اينالىسقان. ال وعان دەيىن كاسىبي فۋتبولشى بولۋ جولىندا تەر توككەن. 1/8 فينالدا ول ترينيداد پەن توباگو وكىلى نايدجەل پولدى ءبىرىنشى راۋندا- اق نوكاۋتقا تۇسىرگەن ەدى.

ي. دىچكو بولسا بوكستى جانىنا 15 جاسىندا سەرىك ەتكەن. 19 جاسىندا قازاقستان چەمپيونى اتانىپ، بۇل اتاعىن 2009، 2010 جانە 2011 -جىلدارى قورعاعان. سونىمەن قاتار ول الەم چەمپيوناتىنىڭ ءۇش دۇركىن جۇلدەگەرى، ازيا ويىندارىنىڭ چەمپيونى، 2012 -جىلعى لوندون وليمپياداسىنىڭ قولا جۇلدەگەرى.

يۆان دىچكو 1/8 فينالدا باستى قارسىلاسى ازەربايجاندىق موگامەدراسۋل مەدجيدوۆتى ەكىنشى راۋندتا تەحنيكالىق نوكاۋندپەن ۇتىپ، شيرەك فينالعا شىقتى. ەستەرىڭىزدە بولسا ەكى دۇركىن الەم چەمپيونى مەدجيدوۆ 2013 -جىلى اقتىق سىندا ول يۆان دىچكونى نوكاۋتقا جىبەرىپ، التىن مەدالدى جەڭىپ العان بولاتىن.

 اۆتور: مارلان جيەمباي

سوڭعى جاڭالىقتار