ريو-2016: ا ق ش بۇگىن عانا التىن مەدال العان جوق

بۇگىن وليمپيادانىڭ ونىنشى كۇنى ارتتا قالدى. ناتيجەسىندە ا ق ش بۇل كۇنى التىن مەدال الا المادى. كەشەگى 26 التىنى بۇگىن وزگەرگەن جوق. ەسەسىنە كەشەگى 23 كۇمىس بۇگىن 25 كە، 22 قولا مەدالى 25 كە كوبەيدى. جالپى 74 مەدالمەن ءالى دە كوش باسىندا تۇر.
ال ۇلى بريتانيا سپورتشىلارى كەشە ريودا سەنساتسيا جاساپ، جالپى ەسەپتە قىتاي قۇراماسىن باسىپ وزعان بولاتىن. بۇگىن دە سول ورىنىنان تۇسكەن جوق. قازىر ولاردىڭ ەنشىسىندە 16 التىن، 17 كۇمىس، 8 قولا مەدال بار. ال ۇزدىك ۇشتىكتە كەلە جاتقان قىتاي قۇراماسىنىڭ قورجىنىندا 15 التىن، 14 كۇمىس، 17 قولا مادال بار.
كەشە ريو وليمپياداسىنىڭ مەدالىنە قول جەتكىزگەن ەلدەر سانى 68 ەل بولسا، بۇگىن 72 مەملەكەتكە ارتتى.
قازاقستان قۇراماسى 2 التىن، 3 كۇمىس، 5 قولا مەدالمەن جالپى كوماندالىق ەسەپتە 15-ورىندا كەلە جاتىر.
جالپى قازىرگە دەيىن، 176 التىن، 176 كۇمىس، 199 قولا، جالپى 551 مەدال ويناتىلىپ، جەڭىمپازدار مەن جۇلدەگەرلەرگە تابىس ەتىلدى.
اۆتور: كۇنسۇلتان وتارباي