07:42, 16 - تامىز 2016 | GMT +5
ريو-2016: دانيار ەلەۋسىنوۆ فينالعا شىقتى
ريو- دە- جانەيرو. قازاقپارات - بۇگىن ريو- دە- جانەيرو قالاسىندا ءوتىپ جاتقان جازعى وليمپيادا ويىندارىندا بوكستان 69 كەلىگە دەيىنگى سالماق دارەجەسىندە رينگكە شىققان قازاقستاندىق بوكسشى دانيار ەلەۋسىنوۆ فرانسۋزدىق ديوپا سۋلەيمانە سيسوككونى ۇتىپ، فينالعا شىقتى،

دەپ حابارلايدى ريوداعى قازاقپارات ءتىلشىسى.
ەسكە سالا كەتسەك، 30 جاستاعى ماەسترە - بوكستان ۆەنەسۋەلا قۇراماسىنىڭ كاپيتانى. 2015 -جىلى پان امەريكالىق ويىنداردىڭ چەمپيونى اتانعان، 2013 -جىلى اۋەسقويلار اراسىندا وتكەن الەم چەمپيوناتىندا قولا ىلگەن مىقتى بوكسشى.
ال، 25 جاستاعى بوكسشىمىز 2013 -جىلى الەم چەمپيونى اتاعىن جەڭىپ الدى. سونىمەن قاتار 2010 -جىلى جانە 2014 -جىلى ازيا ويىندارىنىڭ جەڭىمپازى، حالىقارالىق ساناتتاعى سپورت شەبەرى. دانيار باتىس قازاقستان وبلىسىنىڭ تۋماسى، قازىرگى ۋاقىتتا استانادا اكەسى مارات ەلەۋسىنوۆتىڭ قول استىندا جاتتىعادى.
1/8 فينالدا دانيار بريتاندىق بوكسشى دجوشۋا كەلليدەن باسىم تۇسكەن ەدى.
دانيار 2012 -جىلعى لوندون وليمپياداسىنا قاتىسقان. ريو ونىڭ سپورتتىق مانسابىنداعى ەكىنشى وليمپياداسى.
اۆتور: كۇنسۇلتان وتارباي