ريو-2016: نۇرماحان تىناليەۆ ءبىرىنشى بەلدەسۋىندە ۇتىلىپ قالدى

ريو- دە- جانەيرو. قازاقپارات - برازيليانىڭ ريو- دە- جانەيرو قالاسىندا ءوتىپ جاتقان وليمپيادا ويىندارىندا بۇگىن گرەك- ريم كۇرەسىنەن ءۇشىنشى بالۋانىمىز اسا اۋىر سالماقتاعى نۇرماحان تىناليەۆ ءبىرىنشى بەلدەسۋىندە ۇتىلىپ قالدى، دەپ حابارلايدى ريوداعى قازاقپارات ءتىلشىسى.
None
None

نەمىس بالۋانىمەن بەلدەسكەن تىناليەۆ، 1:0 ەسەبىمەن قارسىلاسىنا جول بەردى. ەگەر، نەمىس بالۋانى فينالعا شىقسا، جۇبانىش بەلدەسۋىنە مۇمكىندىك الادى. ال ول فينالعا شىعا الماسا، قازاقتىڭ الىپ جىگىتى ريو وليمپياداسىن جۇلدەسىز اياقتايدى.

تىنالييەۆ وسىدان ءتورت جىل بۇرىن لوندون وليمپياداسىنا قاتىسىپ، تۋرا وسىلاي العاشقى قارسىلاسىنا جول بەرگەن بولاتىن. مىنە، بيىل دا العاشقى ىرىكتەۋ سىنىنان ءارى اسا المادى.

ەستەرىڭىزگە سالا كەتەيىك، كەشە گرەك- ريم كۇرەسىنەن ەكى بالۋانىمىز دا ۇتىلىپ جۇلدەسىز قالعان بولاتىن. ولار المات كەبىسبايەۆ پەن دوسجان قارتىقوۆ.

ەستەرىڭىزگە سالا كەتەيىك، المات كەبىسپايەۆ العاشقى ىرىكتەۋ سىندارىندا ءبىرىنشى سايىستا گرۋزيا بالۋانى زۋراب ءداتۋناشۆيليدى 2:0 ەسەبىمەن جەڭگەن بولاتىن. الايدا، ەكىنشى كەزدەسۋىندە ياعني 1/8 فينال بويىنشا سايىستا ول جاپون بالۋانى شينوبۋ وتادان 6:0 ەسەبىمەن ۇتىلدى.

كەيىن، جاپونيالىق بالۋان شينوبۋ وتا فينالعا شىعىپ، ناتيجەسىندە ودان جەڭىلگەندەر جۇبانىش بەلدەسۋىنە مۇمكىندىك العان ەدى. ول جۇبانىش بەلدەسۋىندە ءبىرىنشى 6 دۇركىن الەم چەمپيونىن، 1 مارتە وليمپيادا چەمپيونىن ۇتىپ، مەدالعا جاقىنداي ءتۇستى. وكىنىشكە قاراي ول قولا مەدال ءۇشىن سوڭعى شەشۋشى سىندا نورۆەگيالىق بالۋاننان ۇتىلىپ، ريو وليمپياداسىن جۇلدەسىز اياقتادى.

ال ەكىنشى بالۋانىمىز 75 كەلى سالماقتا سىنعا تۇسكەن دوسجان قارتىقوۆ شيرەك فينالدان وتە الماي، ول دا جۇلدەدەن تىس قالدى.

اۆتور: كۇنسۇلتان وتارباي

سوڭعى جاڭالىقتار