ريو-2016: بۇگىن ۇلى بريتانيا قىتايدى باسىپ وزىپ، ەكىنشى ورىنعا كوتەرىلدى

ريو- دە- جانەيرو. قازاقپارات - برازيليانىڭ ريو- دە- جانەيرو قالاسىندا ءوتىپ جاتقان وليمپيادا ويىندارىندا بۇگىن ۇلى بريتانيا قىتايدى باسىپ وزىپ، ا ق ش- تان كەيىنگى ەكىنشى ورىنعا كوتەرىلدى،
None
None

 دەپ حابارلايدى ريوداعى قازاقپارات ءتىلشىسى.

 بۇگىن وليمپيادانىڭ توعىزىنشى كۇنى ارتتا قالدى. ناتيجەسىندە ا ق ش 26 التىن، 21 كۇمىس، 22 قولا، جالپى 69 مەدال ەنشىلەپ، كوش باسشىلىقتى قولدان بەرمەي كەلەدى.

ال ۇلى بريتانيا سپورتشىلارى بۇگىن ريودا سەنساتسيا جاساپ، جالپى ەسەپتە قىتاي قۇراماسىن باسىپ وزدى. بريتاندىق سپورتشىلار جەكسەنبىدە ريو- دە- جانەيروداعى وليمپيادادا گيمناستيكا، گولف، ۆەلوسپورت جانە تەننيستەن بەس التىن جۇلدە الدى.

ۆەلتورەكتە وتكەن سپرينتتە دجەيسون كەنني مەن كاللۋم سكيننەر ءبىر التىن جانە ءبىر كۇمىس مەدالعا يە بولدى. بەس التىنمەن قاتار بريتاندىقتار كەشە تاعى ءۇش قولا جۇلدەگە يە بولدى.  قازىر ولاردىڭ ەنشىسىندە 15 التىن، 16 كۇمىس، 7 قولا - جالپى 38 مەدال بار.

 ال ۇزدىك ۇشتىككە نەشە كۇننەن بەرى ەكىنشى ورىندا كەلە جاتقان قىتاي قۇراماسى سىرعىدى. ولاردىڭ ەنشىسىندە 15 التىن، 13 كۇمىس، 17 قولا - جالپى - 45 مەدال بار.

بۇگىنگى ەسەپ بويىنشا 68 مەملەكەت ريو وليمپياداسىنىڭ مەدالىنە قول جەتكىزىپ ۇلگەردى.

 قازاقستان قۇراماسى 2 التىن، 2 كۇمىس، 4 قولا مەدالمەن جالپى كوماندالىق ەسەپتە 16-ورىندا كەلە جاتىر.

 جالپى قازىرگە دەيىن، 162 التىن، 162 كۇمىس، 182 قولا، جالپى 506 مەدال ويناتىلىپ، جەڭىمپازدار مەن جۇلدەگەرلەرگە تابىس ەتىلدى.

اۆتور: كۇنسۇلتان وتارباي

سوڭعى جاڭالىقتار