ريو-2016: ەرتەڭ گرەك-ريم كۇرەسىنەن ەكى بىردەي بالۋانىمىز جارىس جولىنا شىعادى

ريو- دە- جانەيرو. قازاقپارات - برازيليانىڭ ريو- دە- جانەيرو قالاسىندا ءوتىپ جاتقان وليمپيادا ويىندارىندا ەرتەڭ گرەك- ريم كۇرەسىنەن ەكى بىردەي بالۋانىمىز جارىس جولىنا شىعادى، دەپ حابارلايدى ريوداعى قازاقپارات ءتىلشىسى.
None
None

ەڭ ءبىرىنشى بولىپ، ريو ۋاقىتىمەن ساعات 10:00 دە 59 كەلى سالماقتا المات كەبىسبايەۆ بوز كىلەمگە كوتەرىلسە، ودان كەيىن، 75 كەلى سالماقتا دوسجان قارتىقوۆ ەل نامىسىن قورعايتىن بولادى. ەكەۋى دە ەل ءۇمىت ارتىپ وتىرعان بالۋاندارىمىز. بۇيىرسا، مەدال ءۇشىن تالاسادى دەگەن ۇمىتتەمىز.

قازاقستان قۇراماسى 2 التىن، 2 كۇمىس، 3 قولا مەدالمەن بۇگىن جالپىكوماندالىق ەسەپتە 16-ورىندا كەلە جاتىر.

ەسكە سالا كەتەيىك، جارىستىڭ العاشقى كۇنىندە دزيۋدودان ەرلەر اراسىندا 60 كەلىگە دەيىنگى سالماق دارەجەسىندە سىنعا تۇسكەن ەلدوس سمەتوۆ ەل قورجىنىنا كۇمىس جۇلدە سالسا، 48 كەلىگە دەيىنگى سالماقتا ايەلدەر اراسىندا جارىسقا قاتىسقان وتگونسەسەگ گالبادراح وليمپيادا ويىندارىنىڭ قولا جۇلدەگەرى اتاندى. ال ءۇشىنشى مەدالدى قورجىنعا اۋىر اتلەت فارحاد حاركي سالدى. ول ەرلەر اراسىنداعى 62 كەلىگە دەيىنگى سالماق دارەجەسىندە ونەر كورسەتكەن بولاتىن. وليمپيادانىڭ ءتورتىنشى كۇنى تاعى ءبىر اۋىر اتلەت قىزىمىز كارينا گوريچەۆا 63 كەلى سالماقتا ءتورتىنشى مەدالدى ەل قورجىنىنا سالسا، وليمپيادانىڭ بەسىنشى كۇنى ەكى سپورتشىمىز - اۋىر اتلەت نيدجات راحيموۆ پەن دميتري بالاندين 200 مەتر قاشىقتىققا جۇزۋدەن ەكى التىندى جەڭىپ الدى. ال وسى كۇنى ايەلدەر اراسىندا سىنعا تۇسكەن اۋىر اتلەت قازاقتىڭ قىزى جازيرا جاپپارقۇل كۇمىس جۇلدەگەر اتاندى.

اۆتور: كۇنسۇلتان وتارباي

سوڭعى جاڭالىقتار