ريو-2016: كورەرمەندەردى ەرەكشە اسەرلەندىرگەن ەفيوپيالىق جەلاياق فينالعا جىبەرىلدى

استانا- ريو- دە- جانەيرو. قازاقپارات - ريو- دە- جانەيروداعى وليمپيادا ويىندارىندا جەڭىل اتلەتيكانىڭ 3000 مەترگە كەدەرگىلەرمەن جۇگىرۋ سايىسىندا اياق كيىمىن جوعالتىپ، جالاڭاياق جۇگىرۋگە ءماجبۇر بولعان ەفيوپيالىق سپورتشى ەتەنەش ديرو تورەشىلەردىڭ شەشىمىمەن فينالعا جىبەرىلدى.
None
None

ەفيوپيالىق جەڭىل اتلەت ەتەنەش ديرو قاشىقتىقتى باعىندىرۋ كەزىندە ونىڭ ارتىنان ىلەسىپ كەلە جاتقان سپورتشىلاردىڭ ءبىرى وكشەسىن باسىپ كەتكەن بولاتىن. اياق كيىمدى قايتا كيۋگە تىرىسقان سپورتشى، ءبىرشاما ۋاقىتقا كەشىگىپ قالدى، ارتىنان كوپ ويلانباستان ونى شەشىپ تاستادى، دەگەنمەن التىن ۋاقىتىن جوعالتىپ الدى.

قالىس قالعانىنا قاراماستان، ە. ديرو ءبىر شاقىرىمنان استام قاشىقتىقتى سىڭار اياق كيىمىمەن جۇگىرىپ، قارسىلاستارىن قۋىپ جەتىپ الدى. دەگەنمەن كوپ كۇش سارپ ەتكەن ەفيوپيالىق قىز مارە سىزىعىن جەتىنشى بولىپ كەستى جانە بىلىكتىلىك سايىسىنان شىعا المادى.

ول وليمپيادا ويىندارىندا جۇلدەگە ۇمىتكەر سپورتشىلاردىڭ ءبىرى بولاتىن. ول ستوكگولمدە وتكەن «گاۋھار ليگاسى» حالىقارالىق جارىسىندا قولا ەنشىلەگەن بولاتىن.

كومبەگە كەلىسىمەن ە. ديرو كەتكەن ەسەگە قاپالانعان كۇيى ەڭسەسىن ءتۇسىرىپ، كوز جاسىنا ەرىك بەردى. وليمپيادالىق ستاديونعا كوپ جينالعان كورەرمەن جىگەرلى قىزعا تىك تۇرىپ قول سوقتى.

سول سايىستا جالپى ەسەپتە ۇزدىك ناتيجەنى باحرەين سپورتشىسى رۋت دجەبەت كورسەتتى - 09:12.62.


 ەسكە سالا كەتسەك، وسى تۇستا قازاقستاندىق جەڭىل اتلەتشى ولگا رىپاكوۆا ريو- دە- جانەيروداعى وليمپيادا ويىندارىندا ءۇش باسىپ سەكىرۋ سايىسىندا العاشقى اينالىمنان سۇرىنبەي ءوتتى.

 اۆتور: جاسۇلان جولدىبايەۆ

سوڭعى جاڭالىقتار