ريو - 2016: ولجاس ساتتىبايەۆ جەكپە- جەگىنەن كەيىنگى اسەرىمەن ءبولىستى

ريو- دە- جانەيرو. قازاقپارات - بۇگىن ريو- دە- جانەيرودا ءوتىپ جاتقان وليمپيادا ويىندارىندا 52 كەلىدەگى بوكسشىمىز ولجاس ساتتىبايەۆ جەكپە- جەگىنەن كەيىنگى اسەرىمەن ءبولىستى، دەپ حابارلايدى قازاقپارات ءتىلشىسى.
None
None

ول العاشقى ايقاسىن پۋەرتوريكالىق حيەۆەر سينترون وكاسيومەن وتكىزىپ، ونى 2:1 ەسەبىمەن ۇتتى.

«بۇل مەنىڭ وليمپياداداعى العاشقى جەكپە- جەگىم. سوندىقتان قاتتى قيىن بولدى. العاشىندا قوبالجىدىم. ءبىراق، ەكىنشى راۋندتان كەيىن بارىپ، ءوز- وزىمە كەلدىم. اللا ءساتىن سالىپ ءبىرىنشى جەكپە-جەگىمدى ءساتتى اياقتادىم. ەندى، كەلەسى كەزەڭ ءدال وسىنداي قيىن بولمايتىن شىعار دەپ ويلايمىن»، - دەپ اتاپ ءوتتى و. ساتتىبايەۆ.

سونداي-اق، بوكسشى قارسىلاسى تۋرالى دا ايتىپ ءوتتى. «قارسىلاسىمدى دا ناشار بوكسشى دەپ ويلامايمىن. ول دا جەڭىس ءۇشىن بارىن سالدى. قارسىلاستارىمىزدىڭ بارلىعى مىقتى ەكەن. سول ءۇشىن ءار جەكپە-جەككە ۇلكەن دايىندىقپەن كەلۋ كەرەكتىگىن ءتۇسىندىم»، - دەدى بوكسشى.

 ەندى جەرلەسىمىز كەلەسىدە الەم چەمپيونى ازەربايجاندىق ەلۆين ماميشزادەمەن كەزدەسەدى.

ەستەرىڭىزگە سالا كەتەيىك، قازىرگە دەيىن ءۇش بوكسشىمىز جارىستان شىعىپ قالدى. ولار بەرىك ءابدىراحمانوۆ، ءبىرجان جاقىپوۆ، ابىلايحان ءجۇسىپوۆ.

اۆتور: كۇنسۇلتان وتارباي

 

سوڭعى جاڭالىقتار