09:09, 13 - تامىز 2016 | GMT +5
ريو-2016: جاينا شەكەربەكوۆانىڭ قارسىلاسى بەلگىلى بولدى
ريو- دە- جانەيرو. قازاقپارات - بۇگىن برازيليانىڭ ريو- دە- جانەيرو قالاسىندا ءوتىپ جاتقان وليمپيادا ويىندارىندا بوكستان ايەلدەر اراسىندا ونەر كورسەتەتىن جاينا شەكەربەكوۆانىڭ العاشقى قارسىلاسى بەلگىلى بولدى.

بۇل تۋرالى ريوداعى قازاقپارات ءتىلشىسى حابارلادى.
ەستەرىڭىزدە بولسا، وسىعان دەيىن ج. شەكەربەكوۆا جارىستى بىردەن شيرەك فينالدان باستايتىنىن ايتقان بولاتىنبىز.
بۇگىن بوكستان 51 كەلىگە دەيىنگى ايەلدەر اراسىندا جەكپە- جەكتەر باستالعان بولاتىن. وسى سىندا فرانسيالىق سارا ۋرامۋن 1/8 فينالدا ماروككو بوكسشىسى زوحرۋ ەز- زاحراۋي ايقىن باسىمدىقپەن ۇتتى.
ەندى ول شيرەك فينالدا قازاق قىزىمەن جۇدىرىقتاسادى. بوكسشى قىزىمىزدىڭ العاشقى جەكپە- جەگىن 17 - تامىز كۇنى استانا ۋاقىتىمەن 02:15-تە تاماشالايتىن بولاسىزدار.
اۆتور: كۇنسۇلتان وتارباي