ريو-2016: الەكسەي ني كەشەگى ۋادەسىن ورىندادى

دەپ حابارلادى قازاقپارات ءتىلشىسى.
كەشە اۋىر اتلەتيكادان قازاقستان ۇلتتىق قۇراماسىنىڭ باس باپكەرى الەكسەي ني تىلشىلەرگە سۇحبات بەرىپ، «ەرتەڭ 1 التىن، 1 كۇمىس مەدال الامىز» دەپ سەندىرگەن بولاتىن. ايتقانى كەلىپ، بۇگىن اۋىر اتلەتتەرىمىز ءبىر التىن، ءبىر كۇمىس مەدال ولجالاپ، ريو تورىندە قازاقتىڭ ءانۇرانىن ءبىر شىرقاتتى.
بۇگىن اۋىر اتلەتيكادان 69 كەلىدە ءبىرىنشى بولىپ سىنعا تۇسكەن جازيرا جاپپارقۇل كۇمىس جۇلدەگەر اتانسا، 77 كەلىدەگى الەم چەمپيونى نيجات راحيموۆ العاشقى التىندى ەل قورجىنىنا سالدى.
ەندى اۋىر اتلەتتەرىمىزدىڭ باسەكەسى ءۇش كۇن ۇزىلىستەن كەيىن، ياعني تامىزدىڭ 15- كۇنى قايتا جالعاسادى. بۇل كۇنى ساعات 19:00-دە (استانا ۋاقىتى بويىنشا 16 - تامىز تاڭعى ساعات 04:00) +105 كەلى سالماقتاعى زىلتەمىرشىمىز قىزىلوردالىق ا. زايچيكوۆ ەل نامىسىن قورعايدى.
اۆتور: كۇنسۇلتان وتارباي