ريو-2016: بۇگىن ءتورتىنشى كۇن، قورجىندا ءتورت مەدال

بۇل كۇنى ەلىمىزدىڭ قورجىنىنا ءۇشىنشى قولا مەدال ءتۇستى، دەپ حابارلايدى ريوداعى قازاقپارات ءتىلشىسى بۇگىنگى وتكەن جارىستارعا قورىتىندى جاساپ.
وسىلايشا، قازاق ەلى وليمپيادانىڭ ءتورت كۇنىندە ءتورت مەدال ەنشىلەدى. ونىڭ بىرەۋى كۇمىس، ۇشەۋى قولا مەدال. ال جالپى ەسەپتە ازىرگە 30-ورىندا تۇرمىز.
جالپى كوماندالىق ەسەپتە ءدال قازىرگى مەدالدار سانى بويىنشا 7 التىن، 3 كۇمىس، 6 قولا ەنشىلەگەن قىتايلىقتار كوش باستاپ تۇر. ەكىنشى ورىندا ا ق ش سپورتشىلارى. ولاردىڭ ەنشىسىندە 6 التىن، 8 كۇمىس، 8 قولا مەدال بار. ال ۇزدىك ۇشتىكتى 4 التىن 4 قولا مەدالمەن اۆستراليا سپورتشىلارى تۇيىندەدى.
ەندى ريو وليمپياداسىنداسىنىڭ ءتورتىنشى جارىس كۇنىندە ونەر كورسەتكەن قازاق ساپورتشىلارىنا توقتالىپ وتسەك.
بۇگىن جارىس جولىنا دزيۋدودان قىزدار اراسىندا 63 كەلىدەگى ماريان وردابايەۆا شىقتى. وكىنىشكە قاراي ول العاشقى اينالىمدا قىتايلىق يان جيۋنسياعا ەسە جىبەردى.
قازاقستاندىق سپورتشىلار الدىن الا جارىستاردا مەدالدار ءۇشىن سايىستان شىعىپ قالدى، ءبىراق تا جۇبانىش جارىستارىندا ونەر كورسەتۋدى جالعاستىردى.
قازاقستاندىق سۆەتلانا گەرمانوۆيچ Е/Ғ جارتىلاي جۇبانىش فينالىندا 8:29:18 ناتيجەسىمەن ۇتتى جانە ەندى ە فينالىنداعى ورىن ءۇشىن كۇرەسەدى.
ۆلاديسلاۆ ياكوۆليەۆ Е/Ғ جۇبانىش جارتىلاي فينالىندا جەكەلەي جارىستاردا 11:45:22 ۋاقىتىمەن سوڭعى بولىپ كەلدى. ەندى ول Ғ فينالىندا ونەر كورسەتەدى.
ءۇشىنشى كەزەكتە سۋعا ءجۇزۋ سپورتىنان دميتري بالانديننەن ۇلكەن ءۇمىت كۇتكەنبىز. ول 200 مەتر قاشىقتىققا براسس ادىسىمەن جۇزۋدەن 2:09:00 ناتيجە كورسەتىپ، جارتىلاي فينالعا ءوتتى. جەرلەسىمىز ىرىكتەۋ كەزەڭىندە التىنشى ورىنعا تۇراقتادى. ال ءوز توبىندا ءۇشىنشى كەلدى. ول سونداي- اق، بۇعان دەيىن 100 مەترگە براسس ادىسىمەن جۇزۋدەن فينالعا دەيىن جەتكەن بولاتىن. ءبىراق فينالدا جولى بولمادى. ەندى ول جارتىلاي فينالدىق جارىستى استانا ۋاقىتىمەن 08:00 دە باستايدى.
ال بۇگىنگى قازاقستاندىق سپورتشىلارداڭ سوڭعى بولىپ جارىس الاڭىنا شىققان 63 كەلىدەگى اۋىر اتلەتىمىز جوعارىدا اتاپ وتكەنىمىزدەي، ەل قورجىنىنا ءتورتىنشى مەدالدى سىيلادى.
ول بۇگىن اۋىر قوسسايىستىڭ قورىتىندىسى بويىنشا كەلىنى 243 (111+132) كوتەرىپ، ريو وليمپياداسىنىڭ قولا جۇلدەگەرى اتاندى. بۇل سالماقتا قوس سايىستىڭ قورىتىندىسى بويىنشا 262 كەلىمەن دىڭ ۋي الەمدىك رەكوردتى جاڭارتىپ، (115+147) ريو التىنىن قانجىعاسىنا بايلادى. ەكىنشى ورىن سولتۇستىك كورەيا وكىلى چۋ حە سيمگە بۇيىردى 248 (105+143) . ال گوريچەۆا سەرپە كوتەرۋ جاتتىعۋىن 132 كەلىمەن اياقتاپ، قولا جۇلدەگەر اتاندى.
سەرپە كوتەرۋدە جەرلەسىمىز ءبىرىنشى مۇمكىندىگىندە 132 كەلىنى باعىندىرسا، ەكىنشى جانە ءۇشىنشى مۇمكىندىگىندە 137 كەلىنى كوتەرە المادى.
ال وسىعان دەيىن العاشقى جاتتىعۋدا ول ءبىرىنشى مۇمكىندىگىندە 107 كەلىنى باعىندىرا المادى. ال ەكىنشى مۇمكىندىگىندە تۋرا وسى سالماقتى قينالماي باعىندىردى. ءۇشىنشى مۇمكىندىگىندە 111 كەلىگە تاپسىرىس بەردى. الايدا، بۇل سالماق زىلتەمىرشىمىزگە باعىنبادى.
مىنە، وسىلايشا بۇگىن قازاقستان قورجىنىنا ءۇشىنشى قولا مەدال ءتۇستى.
ەستەرىڭىزگە سالا كەتەيىك، وليمپيادانىڭ ءبىرىنشى كۇنى دزيۋدوشى ەلدوس سمەتوۆ كۇمىس، گالبادراح وتگونسەسەگ قولا مەدال ەنشىلەسە، كەشە اۋىر اتلەت فارحاد حاركي ءۇشىنشى مەدالدى ەل قورجىنىنا سالدى. سونداي-اق، ايتا كەتەيىك، جارىستىڭ ءبىرىنشى كۇنى مارگاريتا ەليسەيەۆا بەسىنشى ورىنعا، ەكىنشى كۇنى ارلي چونتەي ءتورتىنشى ورىنعا تابان تىرەگەن بولاتىن.
اۆتور: كۇنسۇلتان وتارباي