ريو-2016: ءبىرجان جاقىپوۆ ءبىرىنشى جەكپە- جەگىندە ناميبيالىق بوكسشىمەن ايقاساتىن بولادى

بۇل تۋرالى ريودا جۇرگەن قازاقپارات ءتىلشىسى حابارلايدى.
بۇگىن قازاق بوكسشىلارى ءۇشىن دەمالىس. ەرتەڭ ءبىرجان جاقىپوۆ شارشى الاڭعا كوتەرىلەدى. ول جەرەبە بويىنشا ءبىرىنشى اينالىمنان بوساتىلعان بولاتىن. ال ءبىرجاننىڭ قارسىلاسى ريو وليمپياداسىن ءبىرىنشى ىرىكتەۋدەن باستاعان. ول تىرناقالدى باسەكەسىندە ءازىربايجاندىق بىلعارى قولعاپ شەبەرى رۋفات حۋسەينوۆپەن جۇدىرىقتاسىپ، ەكىنشى كەزەڭگە جولداما الدى. ەندى ەكىنشى كەزدەسۋىندە قازاق بوكسشىسىمەن جۇدىرىقتاسادى.
ەستەرىڭىزگە سالا كەتەيىك، قازاق بوكسشىلارىنان وليمپيادانىڭ العاشقى كۇنى ءبىرىنشى بولىپ شارشى الاڭعا كوتەرىلگەن 60 كەلىدەگى بەرىك ءابدىراحمانوۆ ا ق ش بوكسشىسى كارلوس بال دەراستەن ۇتىلىپ قالعان بولاتىن.
ول بۇگىن قازاقپارات تىلشىسىنە بەرگەن سۇحباتىندا «ءوزىم جەڭىلسەم دە، وزگە ارىپتەستەرىمە جەڭىس تىلەيمىن. ءالى قىزداردان بولەك ءتوعىز بوكسشىمىز رينگكە كوتەرىلەدى. مەن جەتپەگەن بيىكتى سولار باعىندىرادى دەپ سەنەم»، - دەپ سۇحبات بەردى.
سونداي- اق، «جارىستى وزدەرىڭىز كوردىڭىزدەر! جەڭۋگە تىرىستىم. ءبىراق، ويلاعانىمداي بولمادى. قارسىلاسىم وليمپياداعا وتە مىقتى دايىندىقپەن كەلىپتى. ۇتىلدىم»، - دەپ جەڭىلىسىنە موينسال بولعانىن جەتكىزگەن ەدى.
ءبىرجان جاقىپوۆ
تۋعان كۇنى: 07.07.1984
تۋعان جەرى: وڭتۇستىك قازاقستان وبلىسى، سوزاق اۋدانى، جارتىتوبە اۋىلى
جەتىستىكتەرى: الەم چەمپيوناتىنىڭ قولا جۇلدەگەرى (2005 ج. )، الەم كۋبوگىنىڭ قولا جۇلدەگەرى (2008 ج. )، ازيا ويىندارىنىڭ كۇمىس جۇلدەگەرى (2010 ج. )، وليمپيادالىق كۆاليفيكاتسيالىق قۇرلىق ارالىق تۋرنيردىڭ جەڭىمپازى (2012)، الەم چەمپيونى (2013 ج. الماتى)
بويى: 168 س م
سالماعى: 49 ك گ
بوكسپەن اينالىسۋى: 14 جاستان
بيىل ءبىرجان وسىمەن ءۇشىنشى وليمپياداسىنا قاتىسقالى وتىر. ول وسىعان دەيىن بەيجىڭدە جانە لوندوندا وليمپيادا ويىندارىنا قاتىسقان. الايدا، جۇلدەگە جەتە المادى. بيىل قالايدا قازاقستان قورجىنىنا ءبىر مەدال سالادى دەگەن ۇمىتتەمىز.
اۆتور: كۇنسۇلتان وتارباي