وليمپيادا-2016 اشىلۋ ءراسىمى قىمبات جانە اۋقىمدى بولمايدى
دەپ حابارلايدى ت ا س س.
اشىلۋ ءراسىمى 5 - تامىز كۇنى »ماراكانا« ستاديونىندا وتەدى. باليچ اشىلۋ ءراسىمىنىڭ برازيلياداعى قازىرگى قارجىلىق قيىندىقتار ەسكەرىلە وتىرىپ ۇيىمداستىرىلعانىن ايتۋدا. شوۋدىڭ جالپى سمەتاسى لوندونداعى ويىنداردىڭ اشىلۋىنا كەتكەن 42 ميلليون دوللاردىڭ شامامەن جارتىسىن عانا قۇرايدى.
«برازيليانىڭ قازىرگى جاعدايىنا بايلانىستى ايتارلىقتاي شوۋ بولمايدى، - دەدى باليچ. - مۇندا بەيجىڭدەگى اسقاقتىق، افينىداعى ارنايى الىپ ەففەكتىلەر جانە لوندونداعى تاڭعاجايىپ تەحنولوگيالار بولمايدى. قاراپايىم ءبىراق زاماناۋي ءراسىم بولعالى تۇر. ارنايى ەففەكتىلەر بولماسا دا، ادامدارمەن بولاشاق تۋرالى تىلدەسەتىن بولامىز، بۇل زاماناۋي برازيليادا ءومىر ءسۇرۋدىڭ قانداي جاقسى ەكەنىن كورسەتەتىن كورىنىس ەمەس».
ريو- دە- جانەيروداعى وليمپيادا ويىندارى 5-21 - تامىز ارالىعىندا وتەدى.
