ب ۇ ۇ باس حاتشىسى ريو-2016 كەزىندە «وليمپيادالىق بىتىمگەرشىلىكتى» جاريالادى
«حالىقارالىق وليمپيادا كوميتەتى مەن ب ۇ ۇ جاھاندىق بەيبىتشىلىك مۇددەسى ءۇشىن تىعىز بايلانىستا جۇمىس ىستەۋدە. ءبىز «وليمپيادالىق بىتىمگەرشىلىكتى» جاريالاپ، قاقتىعىسىپ جاتقان تاراپتاردى ويىن وتەتىن كەزدە قارۋدى تاستاپ، كەلىسپەۋشىلىكتەردى كەيىنگە قالدىرۋعا شاقىرامىز»، - دەدى باس حاتشى.
سپورتتىق جارىستار كەزىندە تاتۋلاسۋ انتيكالىق داۋىردەن كەلە جاتقان ءداستۇر. ءبىزدىڭ زامانىمىزعا دەيىنگى VIII عاسىردا كونە گرەكيادا پايدا بولعان بۇل ادەت سپورتشىلاردىڭ جارىس وتەتىن جەرگە قاۋىپسىز جەتىپ، قاۋىپسىز ۇيلەرىنە ورالۋعا مۇمكىندىك بەرگەن. 1992-جىلى حالىقارالىق وليمپيادا كوميتەتى «وليمپيادالىق بىتىمگەرشىلىكتى» (گرەك. ەكەحەيريۋ) ساقتاۋعا شاقىرعان. ءبىر جىلدان كەيىن بۇل باستامانى ب ۇ ۇ باس اسسامبلەياسى قولداپ، 48/11 قارارىن قابىلدادى.
سول كەزدەن باستاپ قىسقى جانە جازعى وليمپيادالار الدىندا ويىندار وتەتىن ەلدەر قارارلارىنىڭ ءوز ءماتىنىن ۇسىنادى.
ەسكە سالا كەتەيىك، XXXI جازعى وليمپيادا 2016-جىلى 5- جانە 21- تامىز ارالىعىندا وتەدى.
