د د س ۇ زيكا ۆيرۋسىنىڭ قاۋپى سالدارىنان 2016-جىلعى وليمپيادا ويىندارىن كوشىرۋدەن باس تارتتى

استانا. قازاقپارات - دۇنيەجۇزىلىك دەنساۋلىق ساقتاۋ ۇيىمى زيكا بەزگەگى سالدارىنان ريو-دە-جانەيروداعى وليمپيادا ويىندارىن شەگەرۋدى نەمەسە كوشىرۋدى سۇراعان عالىمدار مەن مەديتسينا ماماندارىنىڭ ۇسىنىسىنان باس تارتتى، دەپ حابارلادى RT.

د د س ۇ حابارلاعانداي، سپورتتىق شارانى كوشىرۋ ۆيرۋستىڭ تاراۋىن توقتاتپايدى. حالىقارالىق وليمپيادا كوميتەتى ويىنداردىڭ ورنىن نەمەسە ۋاقىتىن وزگەرتەتىن سەبەپ جوق ەكەنىن ايتقان، دەپ حابارلادى BBC.

وسىعان دەيىن الەم بويىنشا 150 مامان د د س ۇ باس ديرەكتورىنىڭ اتىنا اشىق حات جازعان بولاتىن.

«ريو-دە-جانەيروداعى وليمپيادا جانە پاراليمپيادا ويىندارىنا قاتىستى الاڭداپ وتىرمىز. 1916، 1940 جانە 1944-جىلدارى وليمپيادا ويىندارى ءتىپتى بۇل جارىستار ول كەزدە وتپەگەن. بۇل قاجەتسىز تاۋەكەل. ريوعا 500 مىڭ شەتەلدىك تۋريست بارىپ، ۆيرۋس جۇقتىرىپ، ونى تۋعان جەرىندە تاراتۋى مۇمكىن. بۇل ۇلكەن پروبلەمالاردى تۋدىرادى. كەيىنگە شەگەرۋگە بولاتىن ويىندار ءۇشىن قاۋىپكە باس تىگۋ دۇرىس ەمەس»، - دەگەن حاتتاعى سوزدەردى ر ي ا نوۆوستي كەلتىردى.