ق ر ۇلتتىق بانكى «كوركەم گيمناستيكا. وليمپيادا ويىندارى 2016» ەسكەرتكىش مونەتاسىن شىعاردى
بۇل تۋرالى كەشە ق ر ۇلتتىق بانكىنىڭ باسپا ءسوز قىزمەتىنەن حابارلادى.
مونەتانىڭ بەت جاعىنىڭ (اۆەرسىندە) تومەنگى بولىگىندە ستاديوننىڭ ستيلدەندىرىلگەن بەينەسىنىڭ قورشاۋىندا قازاقستان رەسپۋبليكاسىنىڭ ەلتاڭباسى، مونەتا دايىندالعان مەتالدى، ونىڭ سىناماسىن جانە ماسساسىن بىلدىرەتىن «Ag 925 20 g» دەگەن جازبا جانە سوعىلعان جىلىن بىلدىرەتىن «2016» دەگەن جازۋ بەينەلەنگەن. سول بولىگىندە مونەتانىڭ نومينالىن بىلدىرەتىن «100 TENGE» دەگەن جازۋ، ال جوعارى بولىگىندە قازاقستان رەسپۋبليكاسى ۇلتتىق بانكىنىڭ لوگوتيپى بار. مونەتانىڭ جيەگىندە اينالدىرا مەملەكەتتىك تىلدە «قازاقستان ۇلتتىق بانكى» دەپ ويىلىپ جازىلعان جازبا ورنالاسقان.
ال مونەتانىڭ سىرت جاعىنىڭ (رەۆەرسىندە) ورتالىق بولىگىندە ءتۇرلى- ءتۇستى ستيلدەندىرىلگەن لەنتانىڭ اياسىندا كوركەم گيمناستيكا بويىنشا سايىس ساتىندەگى سپورتشى قىز، ەكى شوقپار تاياق جانە وليمپيادا ويىندارىن وتكىزۋ جىلىن بىلدىرەتىن «2016» دەگەن سان بەينەلەنگەن. اينالدىرا اعىلشىن تىلىندە «OLYMPIC GAMES» دەگەن ويىلعان جازبا ورنالاسقان.
مونەتانىڭ بەتكى جانە سىرت جاقتارىنداعى بەينەلەر مەن جازبالار بەدەرلەنگەن. اينالدىرا شىعىڭقى جيەك جۇرگىزىلگەن.
قىرى (گۋرتى) بەدەرلى. مونەتا 925 سىنامدى كۇمىستەن جاسالعان، ماسساسى - 20 گر، ديامەترى - 37 م م، دايىنداۋ ساپاسى - «proof»، ەڭ كوپ تارالىمى - 3 مىڭ دانا. مونەتالاردىڭ ءتۇس بويىنشا شەشىمى تامپوباسۋ تەحنولوگياسى ارقىلى ورىندالعان.
«نومينالدىق قۇنى 100 تەڭگەلىك ەسكەرتكىش مونەتالار قازاقستان رەسپۋبليكاسىنىڭ بۇكىل اۋماعىندا كورسەتىلگەن قۇنىمەن تولەمنىڭ بارلىق تۇرلەرى بويىنشا، سونداي- اق بانك شوتتارىنا ەسەپتەۋ ءۇشىن جانە اۋدارىم جاساۋ ءۇشىن قابىلدانۋعا مىندەتتى. سونداي-اق، قازاقستان رەسپۋبليكاسىنىڭ بارلىق بانكتەرىندە شەكتەۋسىز ۇساقتالادى جانە ايىرباستالادى. مونەتالار ديزاينى قازاقستان رەسپۋبليكاسى پرەزيدەنتىنىڭ 2003 -جىلعى 25 -قىركۇيەكتەگى № 1193 جارلىعىمەن بەكىتىلگەن قازاقستان تەڭگەسى - ۇلتتىق ۆاليۋتا بانكنوتتارى مەن مونەتالارى ديزاينىنىڭ تۇجىرىمداماسىنا سايكەس ازىرلەنگەن»، - دەلىنگەن حابارلامادا.
ايتا كەتەلىك، «Proof» ساپاسىمەن جاسالعان ەسكەرتكىش كۇمىس مونەتالار كوللەكسيالىق قۇنى بويىنشا ساتۋعا ارنالعان. ولار كادەسىيلىق ورامامەن شىعارىلادى جانە قازاقستان رەسپۋبليكاسى ۇلتتىق بانكىنىڭ مەملەكەتتىك، ورىس جانە اعىلشىن تىلدەرىندەگى نومىرلىك ساپا سەرتيفيكاتىمەن جابدىقتالعان.
مونەتانى قازاقستان رەسپۋبليكاسى ۇلتتىق بانكىنىڭ بارلىق فيليالدارىندا، سونداي-اق ق ر ۇ ب- نىڭ www.nationalbank.kz سايتىنىڭ «ۇلتتىق ۆاليۋتا» پاراقشاسىنداعى ينتەرنەت- دۇكەن ارقىلى ساتىپ الۋعا بولادى.
اۆتور: ايبوتا جاپپاربەرگەن
