اقتوبەدە «ءبىلىم. جۇمىس. مانساپ-2016» مامانداندىرىلعان كورمەسى وتۋدە - فوتو
شاراعا اقتوبە وبلىسىنىڭ، سونداي-اق، كوكشەتاۋ، ورال، ورسك، ورىنبور قالالارىنىڭ 30 دان استام وقۋ ورىندارى قاتىسۋدا.
كورمەگە كەلۋشىلەر - 9-11 -سىنىپ وقۋشىلارى جانە ولاردىڭ اتا-انالارى - اقتوبە، سونداي-اق رەسەيلىك جوعارى وقۋ ورىندارىنداعى سۇرانىسقا يە ماماندىقتار بويىنشا وقۋ مۇمكىندىكتەرىنە بەلسەندى قىزىعۋشىلىق تانىتۋدا.
كورمە بارىسىندا كاسىپورىندار، كاسىبي وقۋ ورىندارى جانە وبلىس كاسىپكەرلەر پالاتاسى اراسىندا ىنتىماقتاستىق تۋرالى ءۇش مەموراندۋمعا قول قويىلدى.
اتاپ ايتقاندا، مەموراندۋمدارعا وبلىستىق كاسىپكەرلەر پالاتاسىنىڭ ديرەكتورى نۇرلىبەك مۇقانوۆ، «اقتوبە پوليتەحنيكالىق كوللەدجى» ا ق پرەزيدەنتى قاسىمبەك الدياروۆ، «سترويدەتال» ج ش س ديرەكتورى اناتولي سيمونوۆ قول قويدى.
تاعى ءبىر ىنتىماقتاستىق تۋرالى قۇجاتقا كاسىپكەرلەر پالاتاسى جايساڭ ينتەرناتىمەن جانە «رودنيكي» ج ش س اراسىندا قول قويىلدى، وسىنداي مەموراندۋمعا وڭىرلىك كاسىپكەرلەر پالاتاسى، اقتوبە پوليتەحنيكالىق كوللەدجى جانە «ۇلان كومپانياسى» ج ش س وكىلدەرى قول قويدى.
ءسويتىپ، وسى وقۋ ورىندارىنىڭ تۇلەكتەرى كاسىپورىندارمەن بەلسەندى ىنتىماقتاسىپ، وندىرىستىك پراكتيكادان وتەدى جانە ودان ءارى ەڭبەككە ورنالاسۋ مۇمكىندىگى قاراستىرىلادى.
تۇتاستاي العاندا، كاسىپكەرلەر پالاتاسىنىڭ ديرەكتورى نۇرلىبەك مۇقانوۆتىڭ ايتۋىنشا، ەكى جىل ىشىندە وبلىستىڭ 48 كاسىپورىندارى 10 سالا بويىنشا 19 كوللەدجبەن ماماندار دايارلاۋ جونىندە مەموراندۋمعا قول قويدى.
- كەز كەلگەن كاسىپورىننىڭ تابىستى بولۋى وندا جۇمىس جاسايتىن ماماندارعا بايلانىستى. كاسىپورىنداردى، ۇيىمداردى دامىتۋ بۇكىل ءوڭىردى دامىتۋعا سەرپىن بەرەدى، - دەپ اتاپ ءوتتى ن. مۇقانوۆ.
