ەلوردادا وتەتىن «الەم اسپابى - 2016» فەستيۆالىندە العاش رەت قازاقى ناقىشتاعى اۋەندەر شىرقالادى
بۇل تۋرالى ق ر قورعانىس مينيسترلىگىنىڭ باسپا ءسوز قىزمەتى حابارلادى.
اسكەري وركەسترلەردىڭ حالىقارالىق بايقاۋى شاڭحاي ىنتىماقتاسىعى ۇيىمىنا (ش ى ۇ) مۇشە مەملەكەتتەرى قورعانىس مينيسترلەرى كەڭەسىنىڭ اياسىندا وتەدى. ق ر قارۋلى كۇشتەرى ۇلتتىق اسكەري- پاتريوتتىق ورتالىعى ورتالىق اسكەري وركەسترىنىڭ مۋزىكانتتارى قازاقى ناقىشتاعى ۇلتتىق اۋەزدەرگە ءمان بەرىپ، وتاندىق سازگەرلەرىمىزدىڭ تانىمال مۋزىكالىق شىعارمالارى مەن قازاقتىڭ حالىق اندەرىنەن قۇرالعان پوپۋرري ۇسىندى.
مۋزىكانتتارىمىز ونەر كورسەتەتىن باعدارلامادا «دوس- مۇقاسان» ۆوكالدى- اسپاپتىق انسامبلىنىڭ رەپەرتۋارىنان قازاق اۋەندەرى تاقىرىبىنداعى پوپۋرري، قازاقتىڭ حالىق ءانى «بەلەس- بەلەس»، ب. جەلدىربايەۆتىڭ «شابىت شىڭىندا» اتتى شىعارمالارى شىرقالادى. ودان باسقا، ءار ەلدىڭ اسكەري وركەسترى 8 بەن 10 مينۋت ارالىعىندا سوزىلاتىن دەفيلە ۇسىنادى. قازاقستاندىق مۋزىكانتتاردىڭ جاڭا باعدارلاماسىنا وركەستردىڭ ارتىستەرى عانا ەمەس، سونىمەن بىرگە قۇرمەت قاراۋىلى روتاسى، ق ر قورعانىس مينيسترلىگى ورتالىق انسامبلىنىڭ بيشىلەرى كىرەدى. ش ى ۇ مۇشە مەملەكەتتەرىنىڭ اسكەري وركەسترلەرى قاتىساتىن فەستيۆالدىڭ گالا- كونسەرتى 8 -ماۋسىمدا استانا وپەرا تەاترىنىڭ الدىندا وتەدى.
شىۇ مۇشە مەملەكەتتەرى اسكەري وركەسترلەرىنىڭ جاندى داۋىستاعى ورىنداۋ شەبەرلىكتەرىن بارشا قاۋىم تىڭداپ، قۇلاق قۇرىشىن قاندىرا الادى.
ەسكە سالا كەتەيىك، بۇدان بۇرىن «الەم اسپابى» فەستيۆالى 2015 -جىلى سانكت-پەتەربوردا وتكەن بولاتىن.
