ن. نازاربايەۆ «قايسار-2016» وقۋ-جاتتىعۋى اياسىندا جەكەلەگەن اسكەري بولىمدەرگە جاۋىنگەرلىك تۋلاردى تابىس ەتتى
ق ر ۇلتتىق ۇلانى 5572 اسكەري ءبولىمى مەن ق ر قورعانىس مينيسترلىگىنىڭ باس بارلاۋ باسقارماسى 22750 اسكەري ءبولىمىنىڭ كومانديرلەرىنە سالتاناتتى جاعدايدا جاۋىنگەرلىك تۋلاردى تابىستاي وتىرىپ، قازاقستان قارۋلى كۇشتەرىنىڭ جوعارعى باس قولباسشىسى اسكەري بولىمدەردى جاۋىنگەرلىك بورىشقا ادال بولۋعا شاقىردى.
«اسكەري سيمۆولداردىڭ ءبىرى - اسكەري ءبولىمنىڭ جاۋىنگەرلىك تۋى. ول اسكەري قىزمەتشىلەردىڭ وتانعا دەگەن ادالدىعىنىڭ، ايبىندىلىعىنىڭ، باتىلدىعىنىڭ بەلگىسى. اتا- بابالارىمىز قولدارىنا تۋ ۇستاپ، ەلىن قورعاپ، جەڭىستەرگە جەتكەن. سىزدەردىڭ دە بۇل جاۋىنگەرلىك تۋلاردى جوعارى ۇستاپ، ەل قاۋىپسىزدىگىن قامتاماسىز ەتۋگە ۇلەس قوساتىندارىڭىزعا تىلەكتەسپىن»، - دەدى ەلباسى.
سونىمەن قاتار، مەملەكەت باسشىسى بۇگىنگى وقۋ-جاتتىعۋعا قاتىسقان ارنايى ماقساتتاعى بولىمشەلەردىڭ التى ساربازىنا پاتەر كىلتىن تابىس ەتتى.
اۆتور: ايبوتا جاپپاربەرگەن
