ەلباسى الماتىداعى «قايسار-2016» كەشەندى وقۋ- جاتتىعۋىنىڭ بارىسىن تاماشالادى
وعان قازاقستان رەسپۋبليكاسىنىڭ بارلىق كۇش قۇرىلىمدارىنىڭ ارنايى ماقساتتاعى بولىمشەلەرى قاتىستى.
ولاردىڭ ىشىندە ق ر ۇلتتىق ۇلانىنىڭ «بۇركىت» ارنايى ماقساتتاعى بولىمشەسى، ق ر ءى ءى م «سۇڭقار» جانە «ارلان» بولىمشەلەرى، ق ر ۇ ق ك «ارىستان» ارنايى ماقساتتاعى جاساعى، سونداي- اق، ق ر ۇلتتىق ۇلانىنىڭ اسكەري بارلاۋ بولىمشەسى مەن ق ر مەملەكەتتىك كۇزەت قىزمەتىنىڭ «قالقان» بولىمشەسى بار. وپەراتسياعا بارلىعى 150-دەن استام جاۋىنگەرلەر مەن وفيتسەرلەر جۇمىلدىرىلدى.
بيىلعى «قايسار-2016» وقۋ- جاتتىعۋىنىڭ بارىسىن قر پرەزيدەنتى نۇرسۇلتان نازاربايەۆتىڭ ءوزى تاماشالاپ، ءتيىستى باعاسىن بەردى.
وقۋ- جاتتىعۋ بارىسىندا وعان قاتىسقان بولىمشەلەر ءوزارا بىرلەسە وتىرىپ، ءار ءتۇرلى جاعدايدا ادامداردى كەپىلدىككە العان لاڭكەستەرگە قارسى ءتيىمدى دە ناتيجەلى وپەراتسيالار ۇيىمداستىردى.
وقۋ- جاتتىعۋ سوڭىندا جۋرناليستەرگە بەرگەن سۇحباتىندا ق ر ۇلتتىق ۇلانى باس قولباسشىسىنىڭ ورىنباسارى، پولكوۆنيك مۇحامەدقالي ساتوۆ وقۋ- جاتتىعۋدىڭ ماقسات- مىندەتتەرىنە توقتالدى.
«لاڭكەستىككە قارسى «قايسار-2016» كەشەندى وقۋ- جاتتىعۋىن وتكىزۋدەگى باستى ماقسات - ارنايى ماقساتتاعى بولىمشەلەردىڭ ەلىمىزدە ورىن الۋى مۇمكىن لاڭكەستىك ارەكەتتەرگە قارسى باعىتتالعان وپەراتسيالاردى جۇرگىزۋ دايارلىعىن تەكسەرۋ. ويتكەنى، تەرروريزم مەن ەكسترەميزم بۇگىندە الەمدىك ماسەلەگە اينالىپ وتىر. ءبىز وسى وقۋ- جاتتىعۋ بارىسىندا ارنايى ماقساتتاعى بارلىق بولىمشەلەردىڭ بىرلەسە جاسايتىن جاۋىنگەرلىك ارەكەتتەرىن پىسىقتادىق. بۇگىنگى شاراعا قر پرەزيدەنتى، قازاقستان قارۋلى كۇشتەرىنىڭ جوعارعى باس قولباسشىسى ەلباسى نۇرسۇلتان نازاربايەۆ قاتىسىپ، بولىمشەلەردىڭ دايارلىعىن كورىپ، ءتيىستى باعاسىن بەردى. ءبىز ەلباسىنىڭ جانە حالقىمىزدىڭ كەز كەلگەن تاپسىرماسىن كەڭ- بايتاق وتانىمىزدىڭ كەز كەلگەن جەرىندە ورىنداۋعا دايىن ەكەنىمىزدى كورسەتتىك»، - دەدى پولكوۆنيك مۇحامەدقالي ساتوۆ.
ايتا كەتەلىك، ق ر پرەزيدەنتى نۇرسۇلتان نازاربايەۆ وقۋ- جاتتىعۋ شاراسىنىڭ الدىندا وسى ورتالىقتى ارنايى ارالاپ كورىپ، ءتيىستى نۇسقاۋلار بەردى.
«قايسار-2016» كەشەندى وقۋ- جاتتىعۋىنا دايارلىق 2015 -جىلدىڭ جەلتوقسان ايىنان باستاپ جۇرگىزىلگەنىن ايتا كەتكەن ءجون.
اۆتور: ايبوتا جاپپاربەرگەن
