ماڭعىستاۋ ارۋى-2016 سايىسىنىڭ جەڭىمپازى انىقتالدى
بۇل تۋرالى tumba.kz حابارلايدى.
ايماقتىق باسەكەنىڭ التىن ءتاجىن لوگيستيكالىق كومپانيادا قىزمەت ىستەيتىن 25 جاستاعى ءلاززات اقشايەۆا جەڭىپ الدى. جالپى، سايىسقا 15-25 جاس ارالىعىنداعى 13 قىز قاتىستى. جارىستىڭ باستى ۇيىمداستىرۋشىسى تاتيانا كوروبەينيكوۆانىڭ ءسان مەكتەبى.
ينتەرنەت ميسس اتاعى اسەل نۇرقازيەۆاعا بۇيىرسا، كورەرمەن كوزايىمى سىيلىعىن ايگەرىم بەكبوسىنوۆا يەلەندى. ال باس جۇلدەگەرگە ءتاجدى بىلتىرعى ماڭعىستاۋ ارۋى جۇلدىز دۇزماعامبەتوۆا تابىستادى.
جەڭىمپاز لوگيست جانە اۋدارماشى بولىپ جۇمىس ىستەيدى. سونداي- اق، فيتنەسپەن دە تۇراقتى اينالىسادى.
«بۇل كونكۋرسقا ەكىنشى جىل قاتارىنان قاتىسىپ وتىرمىن. مەنىڭ ەسىمىمدى اتاعان كەزدە قاتتى قۋاندىم. ەندى «ميسس قازاقستان» بايقاۋىنا جاقسىلاپ دايىندالامىن. ماعان قولداۋ كورسەتكەن اناما شەكسىز العىس ايتامىن»، - دەيدى ءلاززات اقشايەۆا.
سۇلۋلاردى سۇرىپتاعان قازىلار القاسىنىڭ قۇرامىندا «ماڭعىستاۋ مەديا» ج ش س ديرەكتورى دارحان ءۋاليحانوۆ، «اكتاۋ City» ديزاينەرلىك جۋرنالىنىڭ فوتوگرافى كسەنيا سۆوبودنايا، «MaryKay» كومپانياسىنىڭ باتىس قازاقستان بويىنشا باسقارۋشىسى نارگيز ميروۆا جانە "ارۋ قازاقستان-2015" جەڭىمپازى ءاليا مەرگەنبايەۆا بولدى.
Stan.kz
