قازاقستان بارلاۋشىلارى ۇ ق ش ۇ- عا قاتىسۋشى ەلدەردىڭ «ىزدەستىرۋ-2016» وقۋ- جاتتىعۋىنا قاتىسادى - فوتو
وعان قازاقستاندىق اسكەري قىزمەتشىلەر دە قاتىسۋدا، دەپ حابارلادى ق ر قورعانىس مينيسترلىگىنىڭ باسپا ءسوز قىزمەتىنەن.
وقۋ- جاتتىعۋ قازاقستان رەسپۋبليكاسى قارۋلى كۇشتەرىنىڭ «ماگوب» وقۋ- جاتتىعۋ ورتالىعىنىڭ پوليگونىندا جانە رەسەي فەدەراتسياسى قارۋلى كۇشتەرى 201- اسكەري بازاسىنىڭ «لياۋر» پوليگونىندا وتۋدە.
وقۋ- جاتتىعۋعا بەلارۋس، قازاقستان، قىرعىز رەسپۋبليكاسى، رەسەي جانە تاجىكستان قارۋلى كۇشتەرىنىڭ قۇرامىنان اسكەري، ارنايى، راديوەلەكتروندىق، اۋە بارلاۋى بولىمشەلەرىنىڭ اسكەري قىزمەتشىلەرى، بارلىعى 1500-گە جۋىق اسكەري قىزمەتشى، سونداي- اق ارميالىق، جەدەل- تاكتيكالىق جانە اسكەري- كولىكتىك اۆياتسيا بولىمشەلەرى قاتىسادى.
اسكەرلەر توپتاماسىنىڭ بارلاۋ بولىمشەلەرى وقۋ- جاتتىعۋ بارىسىندا تاۋلاردا بارلاۋدى جۇرگىزۋ، بارلاۋ اقپاراتىن جيناۋ، وڭدەۋ، تالداۋ جانە اقپارات الماسۋ، سونداي- اق تاڭسىق جەردە وتە ماڭىزدى نىسانداردى باسىپ الۋ جانە جويۋ جونىندە ارنايى وپەراتسيالار بارىسىنداعى ءىس- قيمىلدار تاجىريبەسىن جيناقتايدى.
«ءبىز قويىپ وتىرعان باستى مىندەت - ول ۇ ق ش ۇ- نىڭ ءارتۇرلى مۇشە مەملەكەتتەرىنىڭ بارلاۋ قۇرالدارىن باسقارۋ ماسەلەلەرىن پىسىقتاۋ، سونداي- اق بىرلەسكەن ءىس- قيمىلدارعا ارنالعان اسكەري بارلاۋ ارنايى بولىمشەلەرىنىڭ تاجىريبە جيناقتاۋى بولىپ تابىلادى. كوپتەگەن مەملەكەتتەر وزدەرىنىڭ تەحنيكالىق بارلاۋ قۇرالدارىن الىپ كەلگەنى اسا ماڭىزدى بولىپ وتىر. ولاردىڭ بارلىعى تارتىلادى. وسى قۇرالدارمەن ءارتۇرلى مەملەكەتتەردىڭ وكىلدەرى تانىس بولادى. بۇل بىزگە ولاردى بىرىزدەندىرۋگە، ال ەڭ باستىسى تاپسىرمالاردى ورىنداۋ كەزىندە ولاردى پايدالانۋ تيىمدىلىگىن ارتتىرۋعا مۇمكىندىك بەرەدى»، - دەدى ۇ ق ش ۇ- نىڭ باس حاتشىسى نيكولاي بورديۋجا.
ارنايى وقۋ- جاتتىعۋلاردىڭ ماقساتى - قارسىلاستى جويۋ مۇددەسىندە بارلاۋ اقپاراتىن جيناۋ، تالداۋ، وڭدەۋ جانە جەتكىزۋ جۇيەسىن جەتىلدىرۋ، سونداي- اق بارلاۋدى ۇيىمداستىرۋدا باسقارۋ ورگاندارىنىڭ قابىلەتتىلىگىن تەكسەرۋ.
