وڭتۇستىك قازاقستان وبىلىسىندا «تەاتر كوكتەمى-2016» فەستيۆالى اشىلدى - فوتو
فەستيۆالدىڭ اشىلۋىندا ءسوز العان وبلىس اكىمىنىڭ ورىنباسارى ۇلاسبەك سادىبەكوۆ پەن اتىراۋ وبلىسى اكىمىنىڭ ورىنباسارى شىڭعىس مۇقان بارشا قاتىسۋشىلاردى قۇتتىقتاپ، ونەر مايتالماندارىنا ساتتىلىك تىلەدى.
ك س ر و جانە قازاقستاننىڭ حالىق ءارتيسى، مەملەكەتتىك سىيلىقتارىنىڭ لاۋرەاتى، م. اۋەزوۆ اتىنداعى قازاق مەملەكەتتىك اكادەميالىق تەاتردىڭ كوركەمدىك جەتەكشىسى اسانالى ءاشىموۆ ءتوراعالىق ەتەتىن قازىلار القاسىنىڭ قۇرامىندا:
قازاقستاننىڭ حالىق ءارتيسى، تاۋەلسىز «پلاتينالى تارلان» سىيلىعىنىڭ لاۋرەاتى ەسمۇحان وبايەۆ؛ قىرعىزستاننىڭ ەڭبەك سىڭىرگەن ءارتيسى، حالىقارالىق ش. ايتماتوۆ كلۋبىنىڭ ۆيتسە- پرەزيدەنتى بۋسۋرمان ودۋراكايەۆ؛ «قازاق ادەبيەتى» گازەتىنىڭ باس رەداكتورى، حالىقارالىق جامبىل اتىنداعى سىيلىقتىڭ لاۋرەاتى جۇماباي شاشتاي ۇلى؛ دۇنيەجۇزىلىك قازاقتار قاۋىمداستىعىنىڭ گەرمانياداعى فيليالىنىڭ ءتوراعاسى سۇلەيمەن شادكام؛ جازۋشى- دراماتۋرگ، قازاقستاننىڭ ەڭبەك سىڭىرگەن قايراتكەرى، حالىقارالىق «الاش» سىيلىعىنىڭ لاۋرەاتى مارحابات بايعۇت؛ ادەبيەتشى، سىنشى، پروفەسسور، ق. ياساۋي اتىنداعى ح ق ت ۋ جانىنداعى تۇركولوگيا عىلىمي- زەرتتەۋ ينستيتۋتىنىڭ ديرەكتورى قۇلبەك ەرگوبەك بار.
سونىمەن قاتار، فەستيۆالگە ق ر ەڭبەك سىڭىرگەن قايراتكەرى، جازۋشى- دراماتۋرگ راحىمجان وتاربايەۆ، جازۋشى، حالىقارالىق «الاش» ادەبيەت سىيلىعىنىڭ لاۋرەاتى نەسىپبەك داۋتايەۆ، «ەڭلىكگۇل-2016» سىيلىعىنىڭ «جىلدىڭ تەاترتانۋشىلىق ماقالاسى» نوميناتسياسىنىڭ يەگەرى ايزات قادىراليەۆا، تەاترتانۋشى نازەركە جۇماباي ارنايى كەلدى.
فەستيۆالدىڭ العاشقى كۇنىندە ج. شانين اتىنداعى وبلىستىق اكادەميالىق قازاق دراما تەاترى ر. وتاربايەۆتىڭ «باس» دراماسىن، وبلىستىق قۋىرشاق تەاترى «ساعىنىش ءشوبى» قويىلىمىن، وبلىستىق وپەرا جانە بالەت تەاترى ا. جۇبانوۆ پەن ل. ءحاميديدىڭ «اباي» وپەراسىن ۇسىندى.
ءۇش كۇنگە سوزىلاتىن «تەاتر كوكتەمى - 2016» فەستيۆالى 9 - ءساۋىر كۇنى تۇركىستان قالاسى سازدى- دراما تەاترىنىڭ «مۇستافا شوقاي» دراماسىمەن قورىتىندىلانادى، دەپ حابارلايدى و ق و اكىمىنىڭ باسپا ءسوز قىزمەتى.
