قازاقستاندىق ديزاينەر دۋبايدا 2016-جىلدىڭ ءسان اپتالىعىن تانىستىردى - فوتو

استانا. قازاقپارات - دۋبايدا وتكەن «Fashion Forward Dubai» ءسان اپتالىعىندا قازاقستاندىق ديزاينەر سالتانات بايمۇحامەدوۆا «Salta» برەندىنىڭ كۇزگى كوللەكسياسىن تانىستىردى.

سالتانات «Fashion Forward Dubai» ءسان اپتالىعىنىڭ 7- ماۋسىمىنا ارناپ جاساعان 20 ۇلگىنى كورسەتكەن. ولاردى جاساۋ ءۇشىن ديزاينەر 80 نەن استام كيىم مەن اكسەسسۋار پايدالانعان.

«بۇل كورسەتىلىمگە كيىم تىگەردە سالتانات تيبەت حالقىنىڭ ەتنيكالىق كوستيۋمدەرىنەن شابىت الدى دەۋگە بولادى. الايدا، سالتاناتتىڭ باستى ماقساتى - ەۋروپانىڭ مينيماليزمىن شىعىستىڭ سەزىمتالدىعىمەن ارالاستىرۋ ەدى. سوندىقتان دا، 2016-جىلدىڭ كۇزگى كوللەكسياسىنا اق، قارا جانە التىن جالاتىلعان سۇر تۇستەر ءوڭ بەردى»، - دەدى قازاقپارات تىلشىسىنە «Salta»   برەندىنىڭ قىزمەتكەرى.

جالپى، دۋبايداعى ءسان اپتالىعى تاياۋ شىعىس ەلدەرى ءۇشىن ءسان الەمىندەگى باستى وقيعانىڭ ءبىرى بولىپ سانالادى.