قازاقستاندا «باتىر ارۋلار-2016» اسكەري كاسىپتىڭ ۇزدىك وكىلدەرىنە داۋىس بەرۋ باستالدى - فوتو
نازىك جاندى جاۋىنگەر قىزداردىڭ 80 وكىلى بىرەگەي بايقاۋدا جەڭىسكە جەتۋ ءۇشىن باق سىناسۋعا كىرىستى. داۋىس بەرۋ كۇنىنەن باستاپ 3 كۇن ىشىندە 80 ايەل اسكەري قىزمەتشىگە 32 مىڭعا جۋىق داۋىس بەرىلدى. بۇل تۋرالى ق ر قورعانىس مينيسترلىگىنىڭ باسپا ءسوز قىزمەتىنەن حابارلادى.
بۇل رەتتە ساندىق كورسەتكىش سەكۋند سايىن ۇلعايۋدا. داۋىس بەرۋ 2016-جىلعى ءساۋىردىڭ 1 ءى مەن مامىردىڭ 31 ءى ارالىعىندا ق ر قورعانىس مينيسترلىگىنىڭ mod.gov.kz رەسمي ۆەب-سايتىندا وتەدى.
بارىنشا دايەكتى داۋىس بەرۋ ءۇشىن ءاربىر سايتقا كىرۋشى ءبىر ءى ر-ادرەستەن ءبىر-اق داۋىس بەرە الادى. تاڭداۋ оnline رەجىمدە وتەدى، داۋىستار اۆتوماتتى تۇردە سايتتىڭ web-پاراقشاسىندا كورسەتىلەدى.
بۇل داۋىس بەرۋ بارىسى مەن ءاربىر قاتىسۋشى بويىنشا داۋىس سانىن كورنەكى تۇردە قاداعالاپ وتىرۋعا مۇمكىندىك بەرەدى. «باتىر ارۋلار» بايقاۋى قازاقستانداعى ايەلدەردىڭ اسكەري قىزمەتىن جاريا ەتۋ ءۇشىن قازاقستان رەسپۋبليكاسى قورعانىس مينيسترلىگىنىڭ باستاماسى بويىنشا ۇيىمداستىرىلىپ وتىرعانىن ەستەرىڭىزگە سالا كەتەيىك.
بىلتىرعى جىلى تۇڭعىش بايقاۋعا 123 ايەل اسكەري قىزمەتشى قاتىسقان بولاتىن. قىرىق كۇندىك ونلاين داۋىس بەرۋ اياسىندا كونكۋرسانتتارعا وتە كوپ، ياعني، 255725 داۋىس بەرىلدى. بايقاۋ قازاقستاندىقتاردىڭ اراسىندا عانا ەمەس، وزگە ەلدەردىڭ تۇرعىندارى اراسىندا دا قىزىعۋشىلىق تۋعىزدى.
داۋىس بەرۋگە رەسەي، ا ق ش، گەرمانيا، يندونەزيا جانە ءۇندىستاننىڭ پايدالانۋشىلارى بەلسەنە اتسالىستى. ناتيجەسىندە تالاي سىناقتاردان سۇرىنبەي ءوتىپ، وزدەرىنىڭ جاۋىنگەرلىك ازىرلىكتەرىن، شىدامدىلىقتارى مەن كۇش-جىگەرلەرىن دالەلدەگەن 12 جەڭىمپاز انىقتالىپ، قازاقستان قارۋلى كۇشتەرىنىڭ لايىقتى وكىلدەرى ەكەندىكتەرىن مويىنداتتى.
ءدۇبىرلى دودا سوڭىندا كاسىبي ستيليستەر قىزداردى اجارلاندىرىپ، جەڭىمپازدار مامانداندىرىلعان كۇنتىزبەگە ارنالعان فوتوسەسسياعا قاتىستى. اتالمىش كۇنپاراقتىڭ جەكە-جەكە بەتتەرىن «باتىر ارۋلار» بايقاۋىنىڭ ءار جەڭىمپازى ارلەندىرە ءتۇستى.
