ق ر ق ك- ءنىڭ اسكەري حيميكتەرى ارميا ويىندارى-2016 سايىسىنا دايىندالۋدا
«شىعىس» وڭىرلىك قولباسشىلىعىنىڭ «شىعىس» پوليگونىندا اسكەري قىزمەتشىلەر 100 مەتر قاشىقتىقتا ورناتىلعان 8№ نىسانا شەڭبەرى بار كەۋدە فيگۋراسىنا ءدوپ تيگىزۋى ءتيىس ەدى.
وسى جاتتىعۋدى ورىنداۋ كەزىندە حالىقارالىق ارميا ويىندارى شەڭبەرىندە «قاۋىپسىز ورتا-2016» بايقاۋىنا تارتىلاتىن اسكەري قىزمەتشىلەر ۇزدىك ناتيجەلەر كورسەتتى. ەڭ كوپ ۇپاي جيناعان سەرجانت رينات سەدىح پەن ايبەك قوجابايەۆ بولدى، دەپ حابارلايدى ق ر ق م باسپا ءسوز قىزمەتى.
«اتالمىش ساباقتاردى قورىتىندىلاي وتىرىپ، «شىعىس» وڭىرلىك قولباسشىلىعى اۋقىمىندا «قاۋىپسىز ورتا-2016» بايقاۋىنىڭ ىرىكتەۋ كەزەڭىن وتكىزۋ قارساڭىندا اسكەري قىزمەتشىلەر ءۇشىن بۇل اتىس دايارلىعى بويىنشا قورىتىندى ساباق بولعانىن ايتا كەتكىمىز كەلەدى»، - دەپ اتاپ ءوتتى ءبولىم اسكەري قىزمەتشىلەرى.
اتىس دايارلىعى ارميا حالىقارالىق ويىندارى شەڭبەرىندە وتەتىن رادياتسيالىق، حيميالىق جانە بيولوگيالىق قورعاۋ اسكەرلەرى اراسىندا «قاۋىپسىز ورتا» بايقاۋى كەزەڭدەرىنىڭ ءبىرى بولىپ تابىلاتىنىن ايتا كەتەيىك. ق ر قارۋلى كۇشتەرىنىڭ اسكەري قىزمەتشىلەرى بۇل بايقاۋعا العاش رەت قاتىسقالى وتىر.
بايقاۋعا دايىندالۋ اياسىندا حيميك اسكەري قىزمەتشىلەر بارلاۋ-حيميالىق ماشينالاردا جەكە جارىسۋدى، حيميالىق زاقىمداۋ قۋات كوزىن ىزدەۋدى، ارنايى وڭدەۋدى جۇرگىزۋ مەن اتىس- شابۋىلداۋ جولاعىنداعى شەشۋشى كەزەڭدى، سونداي-اق ەستافەتا مەن اتىس دايارلىعىن پىسىقتايتىن بولادى.
