قازاقستان «ارميا ويىندارى - 2016» سايىسىن وتكىزۋگە دايىندالىپ جاتىر
دەپ حابارلايدى ق ر قورعانىس منيسترلىگىنىڭ باسپا ءسوز قىزمەتىنەن.
«اعىمداعى جىلى رەسپۋبليكامىزدىڭ اۋماعىندا ارميا ويىندارىن وتكىزۋ جوسپارلانۋدا. 2016 - جىلعى تامىزدىڭ 2- مەن 9 ى ارالىعىندا جامبىل وبلىسى قورداي اۋدانىنىڭ «گۆاردەيسك» وقۋ- جاتتىعۋ پوليگونىنىڭ بازاسىندا «ارتيللەريالىق وق اتۋ شەبەرلەرى» جانە «مەرگەن شەبى» بايقاۋلارى وتەدى. 1 - شىلدەدە پوليگوندار، وقۋ ورىندارى، اسكەري قىزمەتشىلەردىڭ تۇراتىن جەرلەرى، ياعني، اتالمىش بايقاۋدى لايىقتى وتكىزۋىمىز ءۇشىن بارلىعى دايىن بولۋىنا تاپسىرما بەرىلدى»، - دەدى ق ر ق ك باس شتابى جاۋىنگەرلىك دايارلىق دەپارتامەنتىنىڭ باستىعى پولكوۆنيك تيمۋر ابىشيەۆ.
سايىستىڭ وتكىزىلۋ ورنىندا يرەلەڭ جول، مينا- جارىلعىش قورشاۋ، وبا، سىرلەۋ كوپىرى ىسپەتتى كەدەرگىلەرى بار ۇزىندىعى 2 شاقىرىمدىق ارتيللەرياشىلاردىڭ بايقاۋىن، سونداي- اق مەرگەندىك ۆينتوۆكادان، تاپانشادان وق اتۋ جانە گراناتا لاقتىرۋ ءۇشىن بارلاۋشىنىڭ سوقپاق جولى مەن شەبىنىڭ ەلەمەنتتەرى بار مەرگەندەر بايقاۋىن وتكىزۋ ءۇشىن تاس جول سالۋ جوسپارلانعان.
بۇگىنگى كۇنى 7 ەلدىڭ، ياعني، ءازىربايجان، ارمەنيا، بەلارۋس، ۆەنەسۋەلا، رەسەي فەدەراتسياسى، قىتاي جانە قازاقستاننىڭ اسكەري قىزمەتشىلەرى وزدەرىنىڭ قاتىساتىنىن راستادى.
وتكەن جىلى تۇڭعىش ارميا حالىقارالىق ويىندارى - 2015 دوداسى وتكىزىلگەنىن ەستەرىڭىزگە سالا كەتەيىك.
ق ر قارۋلى كۇشتەرىنىىڭ اسكەري قىزمەتشىلەرى ءۇش بايقاۋعا قاتىستى. جارىس قورىتىندىسى بويىنشا ولار «اۆيادارتس» پەن «كاسپي تەڭىزىندە» ەكىنشى ورىندى ەنشىلەسە، «تانك بياتلونىندا» ءتورتىنشى ورىندى يەلەندى.
