اقتاۋدا «كوكتەم ارۋى-2016» اتاعىن ادەماي اشىقبايەۆا جەڭىپ الدى - فوتو
بايقاۋعا قالاداعى جوعارعى جانە ورتا ءبىلىم توعىز مەكەمەسىنەن 12 بويجەتكەن قاتىستى. جەڭىمپازدار سەرتيفيكاتتارمەن جانە باعالى سىيلىقتارمەن ماراپاتتالدى.
شارانىڭ ۇيىمداستىرۋشىسى ءازيزا قوبىلانوۆا: «بايقاۋعا قاتىسۋ - ءبىرىنشى كەزەكتە قۇربىلارمەن دوستاسۋ، سونداي- اق پايدالى تاجىريبە الۋ مۇمكىندىگى»، - دەپ ەسەپتەيدى.
«سالەمدەسۋ» اتتى ءبىرىنشى كەزەڭدە بايقاۋعا قاتىسۋشىلار وزدەرى تۋرالى قىسقاشا بايانداۋى ءتيىس بولدى. «دەفيلە» اتتى ەكىنشى كەزەڭدە بويجەتكەندەر قازاقشا كيىم ۇلگىسىن دايىندادى. «سۇراقتار مەن جاۋاپتار» اتتى ءۇشىنشى كەزەڭدە قاتىسۋشىلار قازاقتىڭ سالت- داستۇرلەرى جانە ەل تاۋەلسىزدىگىنە قاتىستى سۇراقتارعا جاۋاپ بەردى. ال «تالانتتار بايقاۋى» اتتى ءتورتىنشى كەزەڭدە ولار وزدەرىنىڭ ءان، ءبي جانە اقىندىق شەبەرلىگىن تانىتتى، دەپ جازادى www.lada.kz.
«بايقاۋ قورىتىندىلارى بويىنشا ءبىرىنشى ورىن مەن «كوكتەم ارۋى-2016» اتاعىنا ماڭعىستاۋداعى ونەر كوللەدجىنىڭ ستۋدەنتى ادەماي اشىقبايەۆا لايىقتى دەپ تانىلدى. ەكىنشى ورىن مەن «اسەمدىك ارۋى» اتاعىن اقتاۋ تەحنولوگيالىق قىزمەت كورسەتۋ كوللەدجىندە ءبىلىم الىپ جۇرگەن جاننات قۋانىشوۆا ولجالادى. ءۇشىنشى ورىن مەن «تالانتتى ارۋ» اتاعىن ەسەنوۆ اتىنداعى كاسپيي مەملەكەتتىك تەحنولوگيالار جانە ينجينيرينگ ۋنيۆەرسيتەتىنىڭ ستۋدەنتى روزا كەنجەبايەۆاعا بەرىلدى»، - دەپ اتاپ ءوتتى ءازيزا قوبىلانوۆا.
