12:06, 15 - اقپان 2016 | GMT +5
داعدارىسقا قارسى 2016 - جىلعا ارنالعان قوسىمشا جەدەل شارالار جوسپارى ازىرلەندى
استانا. قازاقپارات - داعدارىسقا قارسى قوسىمشا جەدەل شارالار 4 باعىت بويىنشا قالىپتاستىرىلدى. بۇل تۋرالى بۇگىن ۇكىمەت وتىرىسىندا ق ر ۇلتتىق ەكونوميكا ءمينيسترى ەربولات دوسايەۆ ءمالىم ەتتى.
«ۇكىمەت مەملەكەت باسشىسىنىڭ 2016 -جىلعى 10 - اقپانداعى ۇكىمەتتىڭ كەڭەيتىلگەن وتىرىسىندا بەرگەن تاپسىرمالارىن ورىنداۋ ءۇشىن 2016 - جىلعا ارنالعان داعدارىسقا قارسى قوسىمشا جەدەل شارالار جوسپارىن ازىرلەدى. داعدارىسقا قارسى قوسىمشا جەدەل شارالار 4 باعىت بويىنشا قالىپتاستىرىلدى»، - دەدى مينيستر.
ونىڭ سوزىنە قاراعاندا، اتالعان باعىتتاردىڭ ءبىرىنشىسى اقشا- نەسيە ساياساتىنىڭ تيىمدىلىگىن ارتتىرۋ جانە قارجىلىق تۇراقتىلىقتى قولداۋعا نەگىزدەلگەن.
ەكىنشىسى، «نۇرلى جول» مەملەكەتتىك باعدارلاماسى شەڭبەرىندە ەكونوميكانى قولداۋ جونىندەگى شارالاردى كەڭەيتۋدى كوزدەيدى.
ءۇشىنشى باعىت شاعىن جانە ورتا بيزنەستى جانە ەكونوميكانىڭ نەگىزگى سالالارىن قولداۋعا ارنالسا، ال ءتورتىنشىسى ىسكەرلىك بەلسەندىلىك پەن حالىقتى جۇمىسپەن قامتۋدى قولداۋدى قاراستىرادى.
