ساراپشىلار 2016-جىلى كولىك ساتىلىمى كۇرت تومەندەيتىنىن بولجادى
بۇل تۇستا ساپالى، ارزان ءارى ۇنەمدى اۆتو ساتۋمەن اينالىسقاندار عانا ۇتادى-مىس دەپ حابارلايدى الماتى ارناسى.
ەڭ باستىسى - ماكسيمالدى جەڭىلدىكپەن بەرىلەتىن كولىك قۇرالدارىنا سۇرانىس كوبەيەتىن كورىنەدى. سەبەبى وتكەن جىلدىڭ سوڭعى ايلارىندا ساتىلعان تەمىر تۇلپارلاردىڭ كوپشىلىگىنە باعا ارزان بولىپتى. بيىل سۇرانىسقا يە بولاتىن اۆتوكولىكتەردىڭ نارىقتاعى باعاسى 10 مىڭ ا ق ش دوللارىنان تومەن بولماق.
«قازىرگى تاڭدا ءبىز وندىرۋشىلەرمەن كەلىسسوزدەر جۇرگىزۋدەمىز. سەبەبى ەكىنشى جىل قاتارىنان ساتىپ الۋشىعا قولايلى باعانى ساقتاۋ كەرەك. مىسالى رەسەيدى الايىق. وندا اۆتوكولىك جاساۋشىلار باعانى بەلگىلەپ قويادى. بىزدە وتاندىق وندىرۋشىلەر مەن قۇراستىرۋشىلاردان قازاقستاندىق ساتىپ الۋشىلارعا باعانى بەكىتۋىن سۇراپ وتىرمىز»، - دەدى «استانا موتورس» اتقارۋشى ديرەكتورى انتون افونين.
ساراپشىلاردىڭ پىكىرىنشە، قازاقستانداعى كولىك نارىعىنىڭ قايتا جاندانۋى ۇزاق ۋاقىتتى قاجەت ەتەدى. سونداي-اق 2015-جىلدىڭ العاشقى ءۇش ايىندا مەملەكەتتىك جەڭىلدەتىلگەن اۆتونەسيەلەندىرۋ باعدارلاماسى اياسىندا وتاندىق كولىك وندىرۋشىلەردىڭ ۇلەسى بارلىق ساتىلعان كولىكتىڭ 11 پايىزىن قۇرادى.
